Click here for sloka script in Engish, Sanskrit, Kannada, Gujarati, or Telugu

āditya hr̥dayaṁ
saptōttaraśatatamassargaḥ
yuddhakāṁḍa

tatōyuddha pariśrāṁtaṁ samarē ciṁtayāsthitaṁ
rāvaṇaṁ cāgratō dr̥ṣṭvāyuddhāya samupasthitam||1||

daivataiśca samāgamya draṣṭumabhyāgatō raṇam |
upāgamyābravīt rāmaṁ agastyō bhagavān r̥ṣiḥ||2||

agastya uvāca

rāma rāma mahābāhō śr̥ṇu guhyaṁ sanātanam |
yēna sarvān narīn vatsa samarē vijayiṣyasi ||3||

aditya hr̥dayaṁ puṇyaṁ sarva śatruvināśanam|
jayāvahaṁ japēnnityaṁ akṣayyaṁ paramaṁ śivam ||4||

sarvamaṁgaḷa māṁgaḷyaṁ sarvapāpa praṇāśanam|
ciṁtāśōkapraśamanaṁ āyurvardhanamuttamam ||5||

raśmimaṁtaṁ samudyaṁtaṁ dēvāsura namaskr̥tam |
pūjayasva vivasvaṁtaṁ bhāskaraṁ bhuvanēśvaram ||6||

sarvadēvātmakō hyēṣa tējasvī raśmibhāvanaḥ |
ēṣa dēvāsuragaṇān lōkān pāti gabhistibhiḥ ||7||

ēṣa brahmāca viṣṇuśca śivaḥ skaṁdaḥ prajāpatiḥ |
mahēṁdrō dhanadaḥ kālō yamassōmōhyapāṁpatiḥ ||8||

pitaraḥ vasavaḥ sādhyā hyaśvinau marutō manuḥ |
vāyurvahniḥ prajā prāṇā r̥tukartā prabhākaraḥ ||9||

adityaḥ savitā sūryaḥ khagaḥ pūṣā gabhistimān |
suvarṇasadr̥śō bhānuḥ svarṇarētā divākaraḥ ||10||

haridaśvaḥ sahasrārciḥ saptasaptirmarīcimān |
timirōnmathanaśśaṁbhuḥ tvaṣṭāmārtāṁḍa aṁśumān||11||

hiraṇyagarbhaḥ śiśiraḥ tapanō bhāskarō raviḥ |
agnigarbhō'ditēḥ putraḥ śaṁkhaḥ śiśiranāśanaḥ ||12||

vyōmanāthaḥ tamōbhēdhī r̥gyajussāmapāragaḥ |
ghanavr̥ṣṭhirapāṁmitrō viṁdhyavīthīplavaṁgamaḥ ||13||

ātapī maṁḍalī mr̥tyuḥ piṁgaḷaḥ sarvatāpanaḥ |
kavirviśvō mahātējāḥ raktaḥ sarvabhavōdbhavaḥ ||14||

nakṣatragrahatārāṇām adhipō viśvabhāvanaḥ |
tējasāmapi tējaśvī dvādaśātman namōstutē ||15||

namaḥ pūrvāya girayē paścimāyādrayē namaḥ |
jyōtirgaṇānāṁ patayē dinādhipatayē namaḥ ||16||

jayāya jayabhadrāya haryaśvāya namō namaḥ |
namōnamaḥ sahasrāṁśō adityāya namō namaḥ||17||

nama ugrāya vīrāya sāraṁgāya namō namaḥ |
namaḥ padma prabhōdhāya pracaṁḍāya namō namaḥ ||18||

brahmēśānācyutēśāya sūryāyādityavarcasē
bhāsvatē sarva bhakṣāya raudrāya vapuṣē namaḥ ||19||

tamōghnāya himaghnāya śatrughnāyāmitātmanē|
kr̥taghnaghnāya dēvāya jyōtiṣāṁ patayē namaḥ ||20||

taptacāmīkarābhāya vahnayē viśvakarmaṇē |
namastamōbhinighnāya rucayē lōkasākṣiṇē ||21||

nāśayatyēṣa vai bhūtaṁ tadēva sr̥jati prabhuḥ |
pāyatyēṣa tapatyēṣa varṣatyēṣa gabisthibhiḥ ||22||

ēṣa suptēṣu jāgarti bhūtēṣu pariniṣṭhitaḥ |
ēṣa caivāgnihōtraṁca phalaṁ caivāgnihōtriṇām ||23||

vēdāśca kratavaścaiva kratūnāṁ phalamēvavaca |
yāni kr̥tyāni lōkēṣu sarva ēṣa raviḥ prabhuḥ ||24||

ēnamāmāpatsu kr̥cchēṣu kāṁtārēṣu bhayēṣu ca|
kīrtayan puruṣaḥ kaścit nāvasīdati rāghava ||25||

pūjayasvainamēkāgrō dēvadēvaṁ jagatpatim|
ētat triguṇitaṁ japtvā yuddhēṣu vijayiṣyasi ||26||

asmin kṣaṇē mahābāhō rāvaṇaṁ taṁ vadhiṣyasi|
ēvamuktvā tadā'gastyō jagāma ca yathāgatam ||27||

ētat śrutvā mahātējā naṣṭaśōkō'bhavattadā |
dhārayāmāsa suprītō rāghavaḥ prayatātmavān ||28||

adityaṁ prēkṣya japtvātu paraṁ harṣamavāptavān |
trirācamya śucirbhūtvā dhanurādāya vīryavān ||29||

rāvaṇaṁ prēkṣya hr̥ṣṭātmā yuddhāya samupāgaman |
sarva yatnēna mahatā vadhē tasya dhr̥tōsbhavat ||30||

atharaviravadan nirīkṣya rāmaṁ
muditamanāḥ paramaṁ prahr̥ṣyamāṇaḥ |
niśicarapati saṁkṣayaṁ viditvā
suragaṇamadhyagatō vacastvarēti ||31||

ityārṣē śrīmadrāmāyaṇē ādikāvyē vālmīkīyē
caturviṁśatsahasrikāyāṁ saṁhitāyām
śrīmadyuddhakāṁḍē saptōttaraśatatama sargaḥ ||
hari ōm tat sat||