Devi Mahatmyam ! !!

!Devi Sapta Sati ||

Chapter 3 Slokas

||om tat sat||

madhyama caritramu
mahā lakṣmīdhyānamu

ōṁ
akṣasrakparaśuṁ gadēṣu kuliśaṁ padmaṁ dhanuḥ kuṇḍikāṁ
daṇḍaṁ śaktimasiṁ ca carma jalajaṁ ghaṭṭāṁ surābhājanam|
śūlaṁ pāśasudarśanē ca dadhatīṁ hastaiḥ pravālē prabhāṁ
sēvēsairibhamardinī miha mahālakṣmīṁ sarōjasthitām||

tr̥tīyōdhyāyaḥ

nihanyamānaṁ tatsainyamavalōkya mahāsuraḥ|
sēnānīścikṣuraḥ kōpadyayau yōddhumathāmbikām||1||

sa dēvīṁ śaravarṣēṇa vavarṣa samarēssuraḥ|
yathāmēru girēḥ śr̥jñgaṁ tōyavarṣēṇa tōyadaḥ||2||

tasya citvā tatō dēvī līlayaiva śarōtkarān |
jaghāna turagaṇān bāṇairyantāraṁ caiva vājinām ||3||

cicchēda ca dhanūḥ sadyō dhvajaṁ cāti samucchritam|
vivyātha caiva gātrēṣu chinnadhanvānamāśugaiḥ||4||

sa cinna dhanvā virathō hatāśvō hatasārathiḥ|
abhyadhāta vatāṁ dēvīṁ khaḍgacarmadharōssuraḥ||5||

siṁhamāhatya khaḍgēna tīkṣṇadhārēṇa mūrthani|
ajaghāna bhujē savyē dēvī mapyati vēgavān||6||

tasyāḥ khaḍgō bhujaṁ prāpya paphāla nr̥panaṁdana|
tatō jagrāha śūlaṁ sa kōpādaruṇalōcanaḥ||7||

cikṣēpa ca tatastattu bhadrakāḷyāṁ mahāsuraḥ|
jājvalyamānaṁ tējōbhī ravibiṁbamivāmbarāt||8||

dr̥ṣṭvā tadāpatat śūlaṁ dēvī śūlamumuṁcata|
tat śūlaṁ śatathā tēna nītaṁ sa ca mahāsuraḥ||9||

hatētasminmahāvīryē mahiṣasya camūpatau|
ājagāma gajārūḍhaḥ cāmarastridaśardanaḥ||10||

sōspi śaktiṁ mumōcātha dēvyāḥ tāmambikā drutam|
hūṅkākārābhihataṁ bhūmau pātayāmāsa niṣprabhām||11||

bhagnāṁ śaktiṁ nipatitāṁ dr̥ṣṭvā krōthasamanvitaḥ|
cikṣēpa cāmaraḥ śūlaṁ bāṇaiḥ tadapi sācchinat||12||

tataḥ siṁhaḥ samutpatya gajakuṁbhāntarasthitaḥ|
bāhuyuddhēna yuyudhē tēnōccaistridaśāriṇā||13||

yudhyamānau tatasthau tu tasmānnāgān mahīṁ gatau|
yuyudhātēstisaṁrabdhau prahārairati dāruṇaiḥ||14||

tatō vēgāt khamutpatya nipatya ca mr̥gāriṇā|
karaprahārēṇa śiraḥ cāmarasya pr̥thak kr̥tam||15||

udagraśca raṇē dēvyā śilāvr̥kṣādibhirhataḥ|
dantamuṣṭitalaiścaiva karāḷaśca nipātitaḥ||16||

dēvīkr̥ddhā gadāpataiḥ cūrṇayāmāsa cōddhatam|
bhāṣkalaṁ bhindipālēna bāṇaistāmraṁ tathāndhakam||17||

ugrāsamugravīryaṁ ca tathaiva ca mahāhanum|
trinētrā ca triśūlēna jaghāna paramēśvarī||18||

biḍālasyāsinā kāyāt pātayāmāsa vai śiraḥ|
durdharaṁ durmukhaṁ cōbhau śarairninyē yamakṣayam||19||

ēvaṁ saṁkṣīyamāṇē tu svasainyē mahiṣāsuraḥ|
mahiṣēṇa svarūpēṇa trāsayāmāsa tān gaṇān||20||

kāṁścittuṇḍa prahārēṇa khurakṣaipaiḥ tathāparān|
lāṁgūlatāḍitāṁścānyān śr̥ṁgābhyāṁ ca vidāritān ||21||

vēgēna kāṁścidaparān nādēna bhramaṇēna ca|
niḥ śvāsa pavanēnānyān pātayāmāsa bhūtalē||22||

nipātya pramāthānīkaṁ abhyadhāvata sōssuraḥ|
siṁhaṁ hantuṁ mahādēvyāḥ kōpaṁ cakrē tatōsmbikā||23||

sōspi kōpānmahāvīryaḥ khurakṣuṇḍa mahītalaḥ|
śr̥ṅgābhyāṁ parvatān uccāṁ cikṣēpa ca nanāda ca||24||

vēgabhramaṇavikṣuṇṇā mahī tasya viśīryata|
lāṁgūlēna hataścābdhiḥ plāvayāmāsa sarvataḥ||25||

dhuta śr̥ṅga vibhinnāśca khaṇḍaṁkhaṇḍaṁ yuyurghanāḥ|
śvāsānilāstāḥ śataśō nipēturnabhasōscalāḥ||26||

iti krōdhasamadhmātaṁ āpatantaṁ mahāsuram|
dr̥ṣṭvā sā caṇḍikā kōpaṁ tadvadhāya tathāskarōt||27||

sā kṣiptvā tasya vaipāśaṁ taṁ babandha mahāsuram|
tatyājamāhiṣaṁ rūpaṁ sōspi baddhō mahāmr̥dhē||28||

tataḥ siṁhōsbhavatsadyō yāvattasyāmbikā śiraḥ|
chinatti tāvat puruṣaḥ khaḍgapāṇiradr̥śyata||29||

tata ēvāśu puruṣaṁ dēvī cicchēda sāyakaiḥ|
taṁ khaḍgacarmaṇā sārthaṁ tataḥ sōsbhūnmahāgajaḥ||30||

karēṇa ca mahāsiṁhaṁ taṁ cakarṣa jagarja ca|
karṣatastu karaṁ dēvī khaḍgēna nirakr̥ntata||31||

tatō mahāsurō bhūyō māhiṣaṁ vapurāsthitaḥ|
tathaiva kṣōbhayāmāsa trailōkyaṁ sa carācaram||32||

tataḥ kruddhā jaganmātā caṇḍikā pānamuttamam|
papau punaḥ punaścaiva jahasāruṇalōcanā||33||

nanarda cāsuraḥ sōspi balavīryamadōddhataḥ|
viṣāṇābhyāṁ ca cikṣēpa caṇdikāṁ prati bhūdharān||34||

sā ca tān prahitāṁ stēna cūrṇayantī śarōtkaraiḥ|
uvāca taṁ madōddhūtamukharāgakulākṣaram||35||

dēvyuvāca||

garjha garja kṣaṇaṁ mūḍha madhu yavatpibāmyaham|
mayā tvayi hatēstraiva garjiṣyantyāśu dēvatāḥ||36||

r̥ṣiruvāca||

ēvamuktvā samutpatya sā rūḍhā taṁ mahiṣāsuram|
pādēnākramya kaṇṭhē ca śūlēnainamatāḍayat||37||

tataḥ sōspi padākrāntaḥ tayā nijamukhāt tataḥ|
arthaniṣkrānta ēvāsīt dēvyā vīryēṇa saṁvr̥taḥ||38||

arthaniṣkrānta ēvāsau yudhyamānō mahāsuraḥ|
tayā mahāsinā dēvyā śiraścitvā nipātitaḥ||39||

tatō hahākr̥taṁ sarvaṁ daityasainyaṁ nanāśa tat|
praharṣaṁ ca paraṁ jagmuḥ sakalā dēvatāgaṇāḥ||40||

tuṣṭuvustāṁ surā dēvīṁ sahadivyairmaharṣibhiḥ|
jagurgandharvapatayō nanr̥taścāpsarōgaṇāḥ|| 41||

iti śrī mārkaṁḍēya purāṇē sāvarṇikē manvantarē|
dēvī māhātmyē mahiṣāsura vadhō nāma
tr̥tīyōsdhyāyaḥ||

updated 16 10 2018 1600