|| Om tat sat ||

Sloka Text in Telugu , Kannada, Gujarati, Devanagari, English

|| ಗಙ್ಗಾ ಸ್ತೋತ್ರಂ||

ದೇವಿ! ಸುರೇಶ್ವರಿ! ಭಗವತಿ! ಗಙ್ಗೇ
ತ್ರಿಭುವನತಾರಿಣಿ ತರಳತರಙ್ಗೇ |
ಶಙ್ಕರಮೌಳಿವಿಹಾರಿಣಿ ವಿಮಲೇ
ಮಮ ಮತಿರಾಸ್ತಾಂ ತವ ಪದಕಮಲೇ || 1 ||

ಭಾಗೀರಥಿಸುಖದಾಯಿನಿ ಮಾತಃ
ತವ ಜಲಮಹಿಮಾ ನಿಗಮೇ ಖ್ಯಾತಃ |
ನಾಹಂ ಜಾನೇ ತವ ಮಹಿಮಾನಂ
ಪಾಹಿ ಕೃಪಾಮಯಿ ಮಾಮಜ್ಞಾನಮ್ || 2 ||

ಹರಿಪದಪಾದ್ಯತರಙ್ಗಿಣಿ ಗಙ್ಗೇ
ಹಿಮವಿಧುಮುಕ್ತಾಧವಳತರಙ್ಗೇ |
ದೂರೀಕುರು ಮಮ ದುಷ್ಕೃತಿಭಾರಂ
ಕುರು ಕೃಪಯಾ ಭವಸಾಗರಪಾರಮ್ || 3 ||

ತವ ಜಲಮಮಲಂ ಯೇನ ನಿಪೀತಂ
ಪರಮಪದಂ ಖಲು ತೇನ ಗೃಹೀತಮ್ |
ಮಾತರ್ಗಙ್ಗೇ ತ್ವಯಿ ಯೋ ಭಕ್ತಃ
ಕಿಲ ತಂ ದ್ರಷ್ಟುಂ ನ ಯಮಃ ಶಕ್ತಃ || 4 ||

ಪತಿತೋದ್ಧಾರಿಣಿ ಜಾಹ್ನವಿ ಗಙ್ಗೇ
ಖಣ್ಡಿತ ಗಿರಿವರಮಣ್ಡಿತ ಭಙ್ಗೇ |
ಭೀಷ್ಮಜನನಿ ಹೇ ಮುನಿವರಕನ್ಯೇ
ಪತಿತನಿವಾರಿಣಿ ತ್ರಿಭುವನ ಧನ್ಯೇ || 5 ||

ಕಲ್ಪಲತಾಮಿವ ಫಲದಾಂ ಲೋಕೇ
ಪ್ರಣಮತಿ ಯಸ್ತ್ವಾಂ ನ ಪತತಿ ಶೋಕೇ |
ಪಾರಾವಾರವಿಹಾರಿಣಿ ಗಙ್ಗೇ
ವಿಮುಖಯುವತಿ ಕೃತ ತರಲಾಪಾಙ್ಗೇ || 6 ||

ತವ ಚೇನ್ಮಾತಃ ಸ್ರೋತಃ ಸ್ನಾತಃ
ಪುನರಪಿ ಜಠರೇ ಸೋಪಿ ನ ಜಾತಃ |
ನರಕನಿವಾರಿಣಿ ಜಾಹ್ನವಿ ಗಙ್ಗೇ
ಕಲುಷವಿನಾಶಿನಿ ಮಹಿಮೋತ್ತುಙ್ಗೇ || 7 ||

ಪುನರಸದಙ್ಗೇ ಪುಣ್ಯತರಙ್ಗೇ
ಜಯ ಜಯ ಜಾಹ್ನವಿ ಕರುಣಾಪಾಙ್ಗೇ |
ಇನ್ದ್ರಮುಕುಟಮಣಿರಾಜಿತಚರಣೇ
ಸುಖದೇ ಶುಭದೇ ಭೃತ್ಯಶರಣ್ಯೇ || 8 ||

ರೋಗಂ ಶೋಕಂ ತಾಪಂ ಪಾಪಂ
ಹರ ಮೇ ಭಗವತಿ ಕುಮತಿಕಲಾಪಮ್ |
ತ್ರಿಭುವನಸಾರೇ ವಸುಧಾಹಾರೇ
ತ್ವಮಸಿ ಗತಿರ್ಮಮ ಖಲು ಸಂಸಾರೇ || 9 ||

ಅಲಕಾನನ್ದೇ ಪರಮಾನನ್ದೇ
ಕುರು ಕರುಣಾಮಯಿ ಕಾತರವನ್ದ್ಯೇ |
ತವ ತಟನಿಕಟೇ ಯಸ್ಯ ನಿವಾಸಃ
ಖಲು ವೈಕುಣ್ಠೇ ತಸ್ಯ ನಿವಾಸಃ || 10 ||

ವರಮಿಹ ನೀರೇ ಕಮಠೋ ಮೀನಃ
ಕಿಂ ವಾ ತೀರೇ ಶರಟಃ ಕ್ಷೀಣಃ |
ಅಥವಾಶ್ವಪಚೋ ಮಲಿನೋ ದೀನಃ
ತವ ನ ಹಿ ದೂರೇ ನೃಪತಿಕುಲೀನಃ || 11 ||

ಭೋ ಭುವನೇಶ್ವರಿ ಪುಣ್ಯೇ ಧನ್ಯೇ
ದೇವಿ ದ್ರವಮಯಿ ಮುನಿವರಕನ್ಯೇ |
ಗಙ್ಗಾಸ್ತವಮಿಮಮಮಲಂ ನಿತ್ಯಂ
ಪಠತಿ ನರೋ ಯಃ ಸ ಜಯತಿ ಸತ್ಯಮ್ || 12 ||

ಯೇಷಾಂ ಹೃದಯೇ ಗಙ್ಗಾ ಭಕ್ತಿಃ
ತೇಷಾಂ ಭವತಿ ಸದಾ ಸುಖಮುಕ್ತಿಃ |
ಮಧುರಾಕನ್ತಾ ಪಞ್ಝಟಿಕಾಭಿಃ
ಪರಮಾನನ್ದಕಲಿತಲಲಿತಾಭಿಃ || 13 ||

ಗಙ್ಗಾಸ್ತೋತ್ರಮಿದಂ ಭವಸಾರಂ
ವಾಞ್ಛಿತಫಲದಂ ವಿಮಲಂ ಸಾರಮ್ |
ಶಙ್ಕರಸೇವಕ ಶಙ್ಕರ ರಚಿತಂ
ಪಠತಿ ಸುಖೀಃ ತವ ಇತಿ ಚ ಸಮಾಪ್ತಃ || 14 ||

|| Om tat sat ||