Sloka Text in Telugu , Kannada, Gujarati, Devanagari, English

हरिः ओम्

ಸುಂದರಕಾಂಡ.
ಅಥ ಸಪ್ತದಶಸ್ಸರ್ಗಃ

ತತಃ ಕುಮುದಷಣ್ಡಾಬೋ ನಿರ್ಮಲೋ ನಿರ್ಮಲಂ ಸ್ವಯಂ|
ಪ್ರಜಗಾಮ ನಭಶ್ಚನ್ದ್ರೋ ಹಂಸೋ ನೀಲಮಿವೋದಕಮ್||1||

ಸಾಚಿವ್ಯ ಮಿವ ಕುರ್ವನ್ ಸ ಪ್ರಭಯಾ ನಿರ್ಮಲಪ್ರಭಃ
ಚನ್ದ್ರಮಾ ರಶ್ಮಿಭಿಃ ಶೀತೈಃ ಸಿಷೇವೇ ಪವನಾತ್ಮಜಮ್||2||

ಸ ದದರ್ಶ ತತಸ್ಸೀತಾಂ ಪೂರ್ಣಚನ್ದ್ರ ನಿಭಾನನಾಮ್|
ಶೋಕಭಾರೈರಿವ ನ್ಯಸ್ತಾಂ ಭಾರೈರ್ನಾವ ಮಿವಾಮ್ಭಸೀ||3||

ದಿದೃಕ್ಷಮಾಣೋ ವೈದೇಹೀಂ ಹನುಮಾನ್ ಮಾರುತಾತ್ಮಜಃ|
ಸ ದದರ್ಶಾ ವಿದೂರಸ್ಥಾ ರಾಕ್ಷಸೀ ರ್ಘೋರದರ್ಶನಾಃ||4||

ಏಕಾಕ್ಷೀಂ ಏಕಕರ್ಣಾಂ ಚ ಕರ್ಣ ಪ್ರವರಣಾಂ ತಥಾ|
ಅಕರ್ಣಾಂ ಶಂಕುಕರ್ಣಾಂ ಚ ಮಸ್ತಕೋಛ್ಛ್ವಾಸನಾಶಿಕಾಮ್||5||

ಅತಿಕಾಯೋತ್ತಮಾಙ್ಗೀಮ್ ಚ ತನುದೀರ್ಘಶಿರೋಧರಾಂ|
ಧ್ವಸ್ಥಕೇಶೀಂ ತಥಾಽಕೇಶೀಮ್ ಕೇಶಕಮ್ಬಳಧಾರಿಣೀಮ್||6||

ಲಮ್ಬಕರ್ಣಲಲಾಟಂ ಚ ಲಮ್ಬೋದರಪಯೋಧರಾಮ್|
ಲಮ್ಬೋಷ್ಟೀಂ ಚುಬುಕೋಷ್ಟೀಂ ಚ ಲಮ್ಬಸ್ಯಾಂ ಲಮ್ಬಜಾನುಕಾಮ್||7||

ಹ್ರಸ್ವಾಂ ದೀರ್ಘಾಂ ತಥಾ ಕುಬ್ಜಾಂ ವಿಕಟಾಂ ವಾಮನಾಂ ತಥಾ|
ಕರಾಳಾಂ ಭುಗ್ನವಕ್ತ್ರಾಂ ಚ ಪಿಙ್ಗಾಕ್ಷೀಂ ವಿಕೃತಾನನಾಮ್||8||

ವಿಕೃತಾಃ ಪಿಙ್ಗಳಾಃ ಕಾಳೀಃ ಕ್ರೋಧನಾಃ ಕಲಹಪ್ರಿಯಾಃ|
ಕಾಲಾಯಸ ಮಹಾಶೂಲ ಕೂಟಮುದ್ಗರ ಧಾರಿಣೀಃ||9||

ವರಾಹ ಮೃಗ ಶಾರ್ದೂಲ ಮಹಿಷಾಜ ಶಿವಾಮುಖೀಃ|
ಗಜೋಷ್ಟ್ರ ಹಯಪಾದೀಶ್ಚ ನಿಖಾತಶಿರಸೋ ಪರಾಃ||10||

ಏಕಹಸ್ತೈಕಪಾದಾಶ್ಚ ಖರಕರ್ಣ್ಯಶ್ವಕರ್ಣಿಕಾಃ|
ಗೋಕರ್ಣೀ ಹಸ್ತಿಕರ್ಣೀಚ ಹರಿಕರ್ಣೀ ಸ್ತಥಾಪರಾ||11||

ಅನಾಸಾ ಅತಿನಾಸಾಶ್ಚ ತಿರ್ಯಜ್ಞ್ನಾಸ ವಿನಾಸಿಕಾಃ|
ಗಜಸನ್ನಿಭನಾಸಾಶ್ಚ ಲಲಾಟೋಚ್ಛ್ವಾಸನಾಸಿಕಾಃ||12||

ಹಸ್ತಿಪಾದಾ ಮಹಪಾದಾ ಗೋಪಾದಾಃ ಪಾದಚೂಳಿಕಾಃ|
ಅತಿಮಾತ್ರ ಶಿರೋಗ್ರೀವಾ ಅತಿಮಾತ್ರಕುಚೋದರೀ||13||

ಅತಿಮಾತ್ರಾಸ್ಯನೇತ್ರಾಶ್ಚ ದೀರ್ಘಜಿಹ್ವಾ ನಖಾಸ್ತಥಾ|
ಅಜಾಮುಖೀಃ ಹಸ್ತಿಮುಖೀಃ ಗೋಮುಖೀಃ ಸೂಕರೀಮುಖೀಃ||14||

ಹಯೋಷ್ಟ್ರ ಖರವಕ್ತ್ರಾಶ್ಚ ರಾಕ್ಷಸೀರ್ಘೋರದರ್ಶನಾಃ|
ಶೂಲಮುದ್ಗರ ಹಸ್ತಾಶ್ಚ ಕ್ರೋಧನಾಃ ಕಲಹಪ್ರಿಯಾಃ||15||

ಕರಾಳಾ ಧೂಮ್ರಕೇಶೀಶ್ಚ ರಾಕ್ಷಸೀರ್ವಿಕೃತಾನನಾಃ|
ಪಿಬನ್ತೀಸ್ಸತತಂ ಪಾನಂ ಸದಾ ಮಾಂಸ ಸುರಾ ಪ್ರಿಯಾಃ||16||

ಮಾಂಸ ಶೋಣಿತದಿಗ್ಧಾಙ್ಗೀಃ ಮಾಂಸಶೋಣಿತಭೋಜನಾಃ|
ತಾ ದದರ್ಶ ಕಪಿಶ್ರೇಷ್ಠೋ ರೋಮಹರ್ಷಣದರ್ಶನಾಃ||17||

ಸ್ಕನ್ಧವನ್ತ ಮುಪಾಸೀನಾಃ ಪರಿವಾರ್ಯ ವನಸ್ಪತಿಮ್|
ತಸ್ಯಾಧಸ್ತಾಚ್ಚ ತಾಂ ದೇವೀಂ ರಾಜಪುತ್ರೀಂ ಅನಿನ್ದಿತಾಮ್||18||

ಲಕ್ಷಯಾಮಾಸ ಲಕ್ಷ್ಮೀವಾನ್ ಹನುಮಾನ್ ಜನಕಾತ್ಮಜಾಮ್|
ನಿಷ್ಪ್ರಭಾಂ ಶೋಕಸನ್ತಪ್ತಾಂ ಮಲಸಂಕುಲಮೂರ್ಧಜಾಮ್||19||

ಕ್ಷೀಣಪುಣ್ಯಾಂ ಚ್ಯುತಾಂ ಭೂಮೌ ತಾರಾಂ ನಿಪತಿತಾಮಿವ|
ಚಾರಿತ್ರ ವ್ಯಪದೇಶಾಢ್ಯಾಂ ಭರ್ತೃದರ್ಶನದುರ್ಗತಾಮ್||20||

ಭೂಷಣೈರುತ್ತಮಾರ್ಹೀನಾಂ ಭರ್ತೃವಾತ್ಸಲ್ಯಭೂಷಣಾಮ್
ರಾಕ್ಷಸಾಧಿಪಸಂರುದ್ಧಾಂ ಬನ್ಧುಭಿಶ್ಚ ವಿನಾಕೃತಾಮ್||21||

ವಿಯೂಧಾಂ ಸಿಂಹಸಂರುದ್ಧಾಂ ಬದ್ಧಾಂ ಗಜವಧೂಮಿವ|
ಚನ್ದ್ರರೇಖಾಂ ಪಯೋದಾನ್ತೇ ಶಾರದಭ್ರೈರಿವಾವೃತಾಮ್||22||

ಕ್ಲಿಷ್ಟರೂಪಾಂ ಅಸಂಸ್ಪರ್ಶಾ ದಯುಕ್ತಾ ಮಿವ ಪಲ್ಲಕೀಮ್|
ಸೀತಾಂ ಭರ್ತೃವಶೇ ಯುಕ್ತಾಂ ಅಯುಕ್ತಾಂ ರಾಕ್ಷಸೀ ವಶೇ||23||

ಅಶೋಕಕವನಿಕಾ ಮಧ್ಯೇ ಶೋಕಸಾಗರಮಾಪ್ಲುತಾಮ್|
ತಾಭಿಃ ಪರಿವೃತಾಂ ತತ್ರ ಸಗ್ರಹ ಮಿವ ರೋಹಿಣೀಮ್||24||

ದದರ್ಶ ಹನುಮಾನ್ ದೇವೀಂ ಲತಾ ಮಕುಸುಮಾಮಿವ|
ಸಾ ಮಲೇನ ದಿಗ್ಧಾಙ್ಗೀ ವಪುಷಾ ಚಾಪ್ಯಲಙ್ಕೃತಾ||25||

ಮೃಣಾಳೀ ಪಙ್ಕದಿಗ್ಧೇನ ವಿಭಾತಿ ನ ವಿಭಾತಿ ಚ|
ಮಲಿನೇನತು ವಸ್ತ್ರೇಣ ಪರಿಕ್ಲಿಷ್ಟೇನ ಭಾಮಿನೀಮ್||26||

ಸಂವೃತಾಂ ಮೃಗ ಶಾಬಾಕ್ಷೀಂ ದದರ್ಶ ಹನುಮಾನ್ ಕಪಿಃ|
ತಾಂ ದೇವೀಂ ದೀನವದನಾಂ ಅದೀನಾಂ ಭರ್ತೃತೇಜಸಾ||27||

ರಕ್ಷಿತಾಂ ಸ್ವೇನ ಶೀಲೇನ ಸೀತಾಂ ಅಸಿತಲೋಚನಾಮ್|
ತಾಂ ದೃಷ್ಟ್ವಾ ಹನುಮಾನ್ ಸೀತಾಂ ಮೃಗಶಾಬನಿಭೇಕ್ಷಣಾಮ್||28||

ಮೃಗ ಕನ್ಯಾಮಿವ ತ್ರಸ್ತಾಂ ವೀಕ್ಷಮಾಣಾಂ ಸಮನ್ತತಃ|
ದಹಂತೀಮಿವ ನಿಶ್ಶ್ವಾಸೈಃ ವೃಕ್ಷಾನ್ ಪಲ್ಲವಧಾರಿಣಃ||29||

ಸಂಘಾತಮಿವ ಶೋಕಾನಾಂ ದುಖ ಸ್ಯೋರ್ಮಿ ಮಿವೋತ್ಥಿತಾಂ|
ತಾಂ ಕ್ಷಮಾಂ ಸುವಿಭಕ್ತಾಙ್ಗೀಂ ವಿನಾಭರಣಶೋಭಿನೀಮ್||30||

ಪ್ರಹರ್ಷಮತುಲಂ ಲೇಭೇ ಮಾರುತಿಃ ಪ್ರೇಕ್ಷ್ಯ ಮೈಥಿಲೀಮ್|
ಹರ್ಷಜಾನಿ ಚ ಸೋಽಶ್ರೂಣಿ ತಾಂ ದೃಷ್ಟ್ವಾಮದಿರೇಕ್ಷಣಾಮ್|
ಮುಮುಚೇ ಹನುಮಾಂಸ್ತತ್ರ ನಮಶ್ಚಕ್ರೇ ಚ ರಾಘವಂ ||31||

ನಮಸ್ಕೃತ್ವಾಚ ರಾಮಾಯ ಲಕ್ಷ್ಮಣಾಯ ಚ ವೀರ್ಯವಾನ್|
ಸೀತಾದರ್ಶನಸಂಹೃಷ್ಟೋ ಹನುಮಾನ್ ಸಂವೃತೋಽಭವತ್||32||

ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ಆದಿಕಾವ್ಯೇ ವಾಲ್ಮೀಕೀಯೇ
ಚತುರ್ವಿಂಶತ್ ಸಹಸ್ರಿಕಾಯಾಂ ಸಂಹಿತಾಯಾಮ್
ಶ್ರೀಮತ್ಸುಂದರಕಾಂಡೇ ಸಪ್ತದಶಸ್ಸರ್ಗಃ||

||om tat sat||.