हरिः ओम्

Sloka Text in Telugu , Kannada, Gujarati, Devanagari, English

સુન્દરકાણ્ડ્
અથ દ્વાવિંશસ્સર્ગઃ

સીતાયાવચનં શ્રુત્વા પરુષં રાક્ષસાધિપઃ|
પ્રત્યુવાચ તતઃ સીતાં વિપ્રિયં પ્રિયદર્શનામ્|| 1||

યથા યથા સાન્ત્વયિતા વશ્યઃ સ્ત્રીણાં તથા તથા|
યથા યથા પ્રિયં વક્તા પરિભૂત સ્તથા તથા||2||

સન્નિયમેચ્છતિ મે ક્રોથં ત્વયિ કામઃ સમુત્થિતઃ|
દ્રવતઽમાર્ગ માસાદ્ય હયા નિવ સુસારથિઃ||3||

વામઃ કામો મનુષ્યાણાં યસ્મિન્ કિલ નિબધ્યતે|
જને તસ્મિન્ સ્ત્વનુક્રોશ સ્નેહશ્ચ કિલ જાયતે ||4||

એતસ્માત્ કારાણાન્ ન ત્વાં ઘાતયામિ વરાનને|
વધાર્હાં અવમાનાર્હાં મિથ્યા પ્રવ્રજિતે રતામ્||5||

પરુષાણીહ વાક્યાનિ યાનિ યાનિ બ્રવીષિ મામ્|
તેષુ તેષુ વધોયુક્તઃ તવ મૈથિલિ દારુણઃ||6||

એવમુક્ત્વાતુ વૈદેહીં રાવણો રાક્ષસાધિપઃ|
ક્રોધસંરમ્ભ સંયુક્તઃ સીતાં ઉત્તરમબ્રવીત્||7||

દ્વૌમાસૌ રક્ષિતવ્યૌ મે યોઽવધિસ્તે મયા કૃતઃ|
તત શ્શયનમારોહ મમત્વં વરવર્ણિની ||8||

ઊર્ધ્વં દ્વાભ્યાં તુ માસાભ્યાં ભર્તારં મા મનિચ્છતીમ્|
મમ ત્વાં પ્રાતરાશાર્થં આલભન્તે મહાનસે||9||

તાં તર્જ્યમાનાં સંપ્રેક્ષ્ય રાક્ષસેન્દ્રેણ જાનકીં|
દેવગન્ધર્વકન્યાઃ વિષેદુર્વિકૃતેક્ષણાઃ||10||

ઓષ્ઠપ્રકારૈઃ અપરા વક્ત્રનેત્રૈ સ્તથાઽપરે |
સીતાં આશ્વાસયામાસુસ્તર્જિતાં તેન રક્ષસા||11||

તાભિરાશ્વાસિતા સીતા રાવણમ્ રાક્ષસાધિપમ્|
ઉવાચાત્મહિતં વાક્યં વૃત્ત શૌણ્ડીર્ય ગર્વિતમ્|| 12||

નૂનં નતે જનઃ કશ્ચિત્ અસ્તિ નિશ્શ્રેયસે સ્થિતઃ|
નિવારયતિ યો ન ત્વામ્ કર્મણોઽસ્માત્ વિગર્હિતાત્||13||

માં હિ ધર્માત્મનઃ પત્નીં શચીમિવ શચીપતેઃ|
ત્વદન્યઃ ત્રિષુ લોકેષુ પ્રાર્થયે ન્મનસાઽપિ કઃ||14||

રાક્ષસાધમ રામસ્ય ભાર્યાં અમિત તેજસઃ|
ઉક્તવાનપિ યત્પાપં ક્વ ગત સ્તસ્ય મોક્ષ્યસે||15||

યથા દૃપ્તશ્ચ માતઙ્ગઃ શશ શ્ચ સહિતો વને|
તથા દ્વિરદવદ્રામસ્ત્વં નીચ શશવત્ સ્મૃતઃ||16||

સ ત્વં ઇક્ષ્વાકુનાથં વૈ ક્ષિપન્નિહન લજ્જસે|
ચક્ષુષોર્વિષયં તસ્ય ન તાવ દુપગચ્છસિ||17||

ઇમે તે નયને ક્રૂરે વિરૂપે કૃષ્ણપિઙ્ગળે |
ક્ષિતૌ ન પતિતે કસ્માન્મામનાર્ય નિરીક્ષિતઃ||18||

તસ્ય ધર્માત્મનઃ પત્નીં સ્નુષાં દશરથસ્ય ચ|
કથં વ્યાહરતો માં તેન જિહ્વા વ્યવસીર્યતે||19||

અસંદેશાત્તુ રામસ્ય તપસશ્ચાનુપાલનાત્|
ન ત્વાં કુર્મિ દશગ્રીવ ભસ્મ ભસ્માર્હ તેજસા||20||

નાપહર્તુ મહં શક્યા ત્વયા રામસ્ય ધીમતઃ|
વિધિસ્તવ વધાર્ધાય વિહિતો નાત્ર સંશયઃ||21||

શૂરેણ ધનદભ્રાત્રા બલૈ સ્સમુદિતેન ચ|
અપોહ્યા રામં કસ્માદ્ધિ દારચૌર્યં ત્વયા કૃતમ્||22||

સીતાયા વચનં શ્રુત્વા રાવણો રાક્ષસાધિપઃ|
વિવૃત્ય નયને ક્રૂરે જાનકી મન્વવૈક્ષત||23||

નીલજીમૂત સંકાશો મહાભુજશિરોધરઃ|
સિંહસત્વગતિઃ શ્રીમાન્ દીપ્તજિહ્વાગ્રલોચનઃ||24||

ચલાગ્રમકુટપ્રાંશુઃ ચિત્રમાલ્યાનુલેપનઃ|
રક્તમાલ્યામ્બરધરઃ તપ્તાંગદ વિભૂષણઃ||25||

શ્રોણિ સૂત્રેણ મહતા મેચકેન સુસંવૃતઃ|
અમૃતોત્પાદનદ્દેન ભુજગેનૈવ મન્દરઃ||26||

તાભ્યાં પરિપૂર્ણાભ્યાં ભુજાભ્યાં રાક્ષસેશ્વરઃ|
શુશુભેઽચલસંકાશઃ શૃઙ્ગાભ્યામિવ મંદરઃ||27||

તરુણાદિત્યવર્ણાભ્યાં કુણ્ડલાભ્યાં વિભૂષિતઃ|
રક્તપલ્લવપુષ્પાભ્યાં અશોકાભ્યાં ઇવાચલઃ||28||

સકલ્પવૃક્ષપ્રતિમો વસંત ઇવ મૂર્તિમાન્|
શ્મશાનચૈત્યપ્રતિમો ભૂષિતઽપિ ભયંકરઃ||29||

અવેક્ષમાણો વૈદેહીં કોપસંરક્ત લોચનઃ|
ઉવાચ રાવણઃ સીતાં ભુજઙ્ગ ઇવ નિશ્શ્વસન્||30||

અનયેનાભિસંપન્નમ્ અર્થહીનં અનુવ્રતે|
નાશયા મ્યહમદ્ય ત્વાં સૂર્યઃ સન્ધ્યા મિવૌજસા||31||

ઇત્યુક્ત્વા મૈથિલીં રાજ રાવણઃ શત્રુ રાવણઃ|
સંદિદેશ તતઃ સર્વા રાક્ષસીર્ઘોરદર્શનાઃ||32||

એકાક્ષીં એકકર્ણાં ચ કર્ણપ્રાવરણં તથા|
ગોકર્ણીં હસ્તિકર્ણીં ચ લમ્બકર્ણીં અકર્ણિકામ્||33||

હસ્તિ પાદ્યશ્વપાદ્યૌ ચ ગોપાદીં પાદચૂળિકમ્|
એકાક્ષીં એકપાદીં ચ પૃથુપાદીં અપાદિકામ્||34||

અતિમાત્ર શિરો ગ્રીવાં અતિમાત્ર કુચોદરીમ્|
અતિમાત્રસ્ય નેત્રાં ચ દીર્ઘજિહ્વાં અજિહ્વિકામ્||35||

અનાશિકાં સિંહમુખીં ગોમુખીં સૂકરીમુખીમ્|
યથા મદ્વશગા સીતા ક્ષિપ્રં ભવતિ જાનકી||36||

તથા કુરુત રાક્ષસ્યઃ સર્વાં ક્ષિપ્રં સમેત્ય ચ|
પ્રતિલોમાનુ લોમૈશ્ચ સામદાનાદિ ભેદનૈઃ||37||

અવર્જયત વૈદેહીં દણ્ડસ્યોદ્યમનેનચ|
ઇતિ પ્રતિસમાદિશ્ય રાક્ષસેન્દ્રઃ પુનઃ પુનઃ||38||

કામમન્યુપરીતાત્મા જાનકીં પર્યતર્જયત્|
ઉપગમ્ય તતઃ ક્ષિપ્રં રાક્ષસી ધાન્યમાલિની||39||

પરિષ્વજ્ય દશગ્રીવં ઇદં વચનમબ્રવીત્|
મયાક્રીડ મહારાજ સીતયા કિં તવાનયા||40||

વિવર્ણયા કૃપણયા માનુષ્યા રાક્ષસેશ્વર|
નૂનં અસ્યા મહારાજ ન દિવ્યાન્ ભોગસત્તમાન્||41||

વિદદધાત્યમરશ્રેષ્ઠઃ તવ બાહુબલાર્જિતાન્|
અકામં કામયાનસ્ય શરીરમુપતપ્યતે||42||

ઇચ્છન્તીં કામયાનસ્ય પ્રીતિર્ભવતિ શોભના|
એવમુક્તસ્તુ રાક્ષસ્યા સમુત્‍ક્ષિપ્ત સ્તતો બલી||43||

પ્રહસન્મેઘ સઙ્કાશો રાક્ષસઃ સ ન્યવર્તત|
પ્રસ્થિતઃ સ દશગ્રીવઃ કંપયન્નિવ મેદિનીમ્||44||

જ્વલદ્ભાસ્કરવર્ણાભાં પ્રવિવેશ નિવેશનમ્|
દેવગન્ધર્વ કન્યાશ્ચ નાગકન્યાશ્ચ સર્વતઃ|
પરિવાર્ય દશગ્રીવં વિવિશુ સ્તં ગૃહોત્તમમ્ ||45||

સ મૈથિલીં ધર્મપરાં અવસ્થિતામ્
પ્રવેપમાનાં પરિભર્ત્સ્ય રાવણઃ|
વિહાયસીતાં મદનેન મોહિતઃ
સ્વમેવ વેશ્મ પ્રવિવેશ ભાસ્વરમ્||46||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુન્દરકાણ્ડે દ્વાવિંશસ્સર્ગઃ||

|| ઓમ્ તત્ સત્||

|| Om tat sat ||