||Sundarakanda ||

|| Sarga 23||( Slokas in Gujarati )

हरिः ओम्

Sloka Text in Telugu , Kannada, Gujarati, Devanagari, English

સુંદરકાંડ.
અથ ત્રયોવિંશસ્સર્ગઃ

ઇત્યુક્ત્વા મૈથિલીં રાજા રાવણઃ શત્રુ રાવણઃ|
સંદિશ્ય ચ તતઃ સર્વા રાક્ષસીર્નિર્જગામ હ||1||

નિષ્ક્રાંતે રાક્ષસેંદ્રે તુ પુનરંતઃપુરં ગતે|
રાક્ષસ્યો ભીમરૂપાઃ તાઃ સીતાં સમભિદુદ્રુવુઃ||2||

તતસ્સીતાં ઉપાગમ્ય રક્ષસ્યઃ ક્રોથમૂર્ચિતાઃ|
પરં પરુષયા વાચા વૈદેહીં ઇદમબ્રુવન્ ||3||

પૌલસ્તસ્ય વરિષ્ઠસ્ય રાવણસ્ય મહાત્મનઃ|
દશગ્રીવસ્ય ભાર્યા ત્વં સીતે ન બહુમન્યસે||4||

તતસ્ત્વેકજટા નામ રાક્ષસી વાક્યમ બ્રવીત્|
આમંત્ર્ય ક્રોધતામ્રાક્ષી સીતાં કરતલોદરીમ્||5||

પ્રજાપતીનાં ષણ્ણાં તુ ચતુર્થો યઃ પ્રજાપતિઃ|
માનસો બ્રહ્મણઃ પુત્ત્રઃ પુલસ્ત્ય ઇતિ વિશ્રુતઃ||6||

પુલસ્તસ્ય તુ તેજસ્વી મહર્ષિર્માનસઃ સુતઃ|
નામ્ના સ વિશ્રવા નામ પ્રજાપતિ સમપ્રભઃ||7||

તસ્ય પુત્ત્રો વિશાલાક્ષી રાવણ શ્શત્રુ રાવણઃ|
તસ્ય ત્વં રાક્ષસેંદ્રસ્ય ભાર્યા ભવિતુમર્હસિ||8||

મયોક્તં ચારુ સર્વાંગી વાક્યં કિં નાનુમન્યસે|
તતો હરિજટા નામ રાક્ષસી વાક્યમબ્રવીત્||9||

વિવર્ત્ય નયને કોપાત્ માર્જાર સદૃશેક્ષણા|
યેન દેવાઃ ત્રયસ્ત્રિંશત્ દેવરાજશ્ચ નિર્જિતાઃ||10||

તસ્ય ત્વં રાક્ષસેંદ્રસ્ય ભાર્યા ભવિતુ મર્હસિ|
તતસ્તુ પ્રઘસા નામ રાક્ષસી ક્રોધમૂર્ચિતા||11||

ભર્ત્યયંતી તદા ઘોરમ્ ઇદં વચનમબ્રવીત્ |
વીર્યોત્સિક્તસ્ય શૂરસ્ય સંગ્રામેષ્વનિવર્તિનઃ||12||

બલિનો વીર્યયુક્તસ્ય ભાર્યા કિં ત્વં ન લપ્સ્યસે|
પ્રિયાં બહુમતાં ભાર્યાં ત્યક્ત્વા રાજા મહાબલઃ||13||

સર્વાસાં ચ મહાભાગાં ત્વામુપૈષ્યતિ રાવણઃ|
સમુદ્ધં સ્ત્રી સહસ્રેણ નાનારત્નોપશોભિતમ્||14||

અંતઃ પુરં સમુત્સૃજ્ય ત્વામુપૈષ્યતિ રાવણઃ|
અન્યાતુ વિકટાનામ રાક્ષસી વાક્યમબ્રવીત્||15||

અસકૃદ્દેવતા યુદ્દે નાગગંધર્વ દાનવાઃ|
નિર્જિતાઃ સમરે યેન સ તે પાર્શ્વમુપાગતઃ||16||

તસ્ય સર્વસમૃદ્ધસ્ય રાવણસ્ય મહાત્મનઃ|
કિમદ્ય રાક્ષસેંદ્રસ્ય ભાર્યા ત્વં નેચ્છસેsધમે ||17||

તતસ્તુ દુર્મુખી નામ રાક્ષસી વાક્યમબ્રવીત્|
યસ્ય સૂર્યો ન તપતિ ભીતો યસ્ય ચ મારુતઃ||18||

ન વાતિ સ્માયતાપાંગે કિં ત્વં તસ્ય ન તિષ્ઠસિ|
પુષ્પવૃષ્ટિં ચ તરવો મુમુચુરસ્ય વૈ ભયાત્||19||

શૈલાશ્ચ સુભ્રુ પાનીયં જલાદાશ્ચ યદેચ્છતિ|
તસ્ય નૈરૃતરાજસ્ય રાજરાજસ્ય ભામિની||20||

કિં ત્વં ન કુરુષે બુદ્ધિં ભાર્યાર્થે રાવણસ્ય હિ|
સાધુતે તત્ત્વતો દેવિ કથિતં સાધુ ભામિનિ||21||
ગૃહાણ સુસ્મિતે વાક્યં અન્યથા ન ભવિષ્યસિ||22||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુંદરકાંડે ત્રયોવિંશસ્સર્ગઃ||

||ઓમ્ તત્ સત્||

|| Om tat sat ||