Sloka Text in Telugu , Kannada, Gujarati, Devanagari, English

हरिः ओम्

|| ઓમ્ તત્ સત્||
સુંદરકાંડ.
અથ સપ્તવિંશસ્સર્ગઃ

ઇત્યુક્તાઃ સીતયા ઘોરા રાક્ષસ્યઃ ક્રોધમૂર્છિતાઃ|
કાશ્ચિત્ જગ્મુઃ તદાખ્યાતું રાવણસ્ય તરસ્વિનઃ||1||

તતસ્સીતા મુપાગમ્ય રાક્ષસ્યો ઘોરદર્શનાઃ|
પુનઃ પરુષમેકાર્થં અનર્થાર્થમ્ અથાબ્રુવન્||2||

અદ્યેદાનીં તવાનાર્યે સીતે પાપવિનિશ્ચયે|
રાક્ષસ્યો ભક્ષયિષ્યંતિ માંસ મેતત્ યથાસુખમ્||3||

સીતાં તાભિ રનાર્યાભિઃ દૃષ્ટ્વા સંતર્જિતાં તદા|
રાક્ષસી ત્રિજટા વૃદ્ધા શયાના વાક્યમબ્રવીત્ ||4||

આત્માનં ખાદતા નાર્યા ન સીતાં ભક્ષયિષ્યથ|
જનકસ્ય સુતા મિષ્ટાં સ્નુષાં દશરથસ્ય ચ||5||

સ્વપ્નો હૃદ્ય મયા દૃષ્ટો દારુણો રોમહર્ષણઃ|
રાક્ષસાનાં અભાવાય ભર્તુરસ્યા જયાય ચ||6||

એવમુક્તા ત્રિજટાયા રાક્ષસ્યઃ ક્રોધમૂર્છિતાઃ|
સર્વા એવાબ્રુવન્ ભીતાઃ ત્રિજટાં તાં ઇદં વચઃ||7||

કથયસ્વ ત્વયા દૃષ્ટઃ સ્વપ્નોऽયં કીદૃશો નિશિ|
તાસાં શ્રુત્વાતુ વચનં રાક્ષસીનાં મુખાચ્ચ્યુતમ્||8||

ઉવાચ વચનં કાલે ત્રિજટા સ્વપ્ન સંસ્થિતમ્|
ગજદંતમયીં દિવ્યાં શિબિકામંતરિક્ષગામ્||9||

યુક્તાં હંસ સહસ્રેણ સ્વયમાસ્થાય રાઘવઃ|
શુક્લમાલ્યાંબરધરો લક્ષ્મણેન સહાગતઃ||10||

સ્વપ્ને ચાદ્ય મયા દૃષ્ટા સીતા શુક્લાંબરાવૃતા|
સાગરેણ પરિક્ષિપ્તં શ્વેતં પર્વત માસ્થિતા||11||

રામેણ સંગતા સીતા ભાસ્કરેણ પ્રભા યથા|
રાઘવશ્ચ મયા દૃષ્ટ શ્ચતુર્દંતં મહાગજમ્||12||

આરૂઢઃ શૈલસંકાશં ચચાર સહ લક્ષ્મણઃ|
તતસ્તૌ નરશાર્દૂલૌ દીપ્યમાનૌ સ્વતેજસા||13||

શુક્લમાલ્યાંબરધરૌ જાનકીં પર્યુપસ્થિતૌ|
તતસ્તસ્ય સ્યાગ્રે હ્યાકાશ સ્થસ્ય દંતિનઃ||14||

ભર્ત્રા પરિગૃહીતસ્ય જાનકી સ્કંધમાશ્રિતા|
ભર્તુરંકાત્ સમુત્પત્ય તતઃ કમલલોચના||15||

ચંદ્રસૂર્યૌ મયા દૃષ્ટા પાણિભ્યાં પરિમાર્જતી|
તતસ્તાભ્યાં કુમારાભ્યા માસ્થિતઃ સ ગજોત્તમઃ||16||

સીતયા ચ વિશાલાક્ષ્યા લંકાયા ઉપરિસ્થિતઃ|
પાણ્ડુરર્ષભ યુક્તેન રથે નાષ્ટયુજા સ્વયમ્|| 17||

ઇહોપયાતઃ કાકુ‍ત્ સ્થઃ સીતયા સહ ભાર્યયા|
લક્ષ્મણેન સહભ્રાત્રા સીતયા સહ વીર્યવાન્ ||18||

આરુહ્ય પુષ્પકં દિવ્યં વિમાનં સૂર્યસન્નિભમ્|
ઉત્તરાં દિશમાલોક્ય જગામ પુરુષોત્તમઃ||19||

એવં સ્વપ્ને મયા દૃષ્ટો રામો વિષ્ણુપરાક્રમઃ|
લક્ષ્મણેન સહભ્રાત્રા સીતાય સહ ભાર્યયા||20||

ન હિ રામો મહાતેજા શ્શક્યો જેતું સુરાસુરૈઃ|
રાક્ષસૈર્વાપિ ચાન્યૈર્વા સ્વર્ગં પાપજનૈરિવ||21||

રાવણશ્ચ મયાદૃષ્ટઃ ક્ષિતૌ તૈલસમુત્‍ક્ષિતઃ |
રક્તવાસાઃ પિબન્મત્તઃ કરવીરકૃત સ્રજઃ||22||

વિમાનાત્ પુષ્પકાદદ્ય રાવણઃ પતિતો ભુવિ|
કૃષ્યમાણ સ્ત્રિયા દૃષ્ટો મુંડઃ કૃષ્ણાંબરઃ પુનઃ||23||

રથેન ખરયુક્તેન રક્તમાલ્યાનુલેપનઃ|
પિબં સ્તૈલં હસન્ નૃત્યન્ ભ્રાંતચિત્તકુલેંદ્રિયઃ||24||

ગર્ધભેન યયૌ શીઘ્રં દક્ષિણાં દિશમાસ્થિતઃ|
પુનરેવ મયાદૃષ્ટો રાવણો રાક્ષસેશ્વરઃ||25||

પતિતોऽવાક્છિરા ભૂમૌ ગર્ધભાત્ ભયમોહિતઃ|
સહસોત્થાય સંભ્રાંતો ભયાર્તો મદવિહ્વલઃ||26||

ઉન્મત્ત ઇવ દિગ્વાસાદુર્વાક્યં પ્રલપન્ બહુ|
દુર્ગંધં દુસ્સહં ઘોરં તિમિરં નરકોપમમ્||27||

મલપંકં પ્રવિશ્યાશુ મગ્નસ્તત્ર સ રાવણઃ|
કંઠે બધ્વા દશગ્રીવં પ્રમદા રક્તવાસિની||28||

કાલી કર્દમલિપ્તાંગી દિશં યામ્યાં પ્રકર્ષતિ|
એવં તત્ર મયાદૃષ્ટઃ કુંભકર્ણો નિશાચરઃ||29||

રાવણસ્ય સુતાસ્સર્વે દૃષ્ટા સ્તૈલસમુત્‍ક્ષિતાઃ|
વરાહેણ દશગ્રીવ શ્શિંશુમારેણ ચ ઇંદ્રજિત્||30||

ઉષ્ટ્રેણ કુંભકર્ણશ્ચ પ્રયાતો દક્ષિણાં દિશમ્|
એકસ્તત્ર મયા દૃષ્ટા શ્શ્વેતચ્છત્રો વિભીષણઃ||31||

શુક્લમાલ્યાંબરધરઃ શુક્લગંધાનુલેપનઃ|
શંખદુંદુભિનિર્ઘોષૈઃ નૃત્તગીતૈરલંકૃતઃ||32||

આરુહ્ય શૈલસંકાશં મેઘસ્તનિતનિસ્સ્વનમ્|
ચતુર્દંતં ગજં દિવ્યમાસ્તે તત્ર વિભીષણઃ||33||

ચતુર્ભિઃ સચિવૈઃ સાર્થં વૈહાયસ મુપસ્થિતઃ|
સમાજશ્ચ મયા દૃષ્ટો ગીતવાદિત્ર નિસ્સ્વનઃ||34||

પિબતાં રક્તમાલ્યાનાં રક્ષસાં રક્તવાસસામ્|
લંકાચેયં પુરી રમ્યા સવાજિ રથકુંજરા||35||

સાગરે પતિતા દૃષ્ટા ભગ્ન ગોપુરતોરણા|
લંકા દૃષ્ટા મયા સ્વપ્ને રાવણે નાભિરક્ષિતા||36||

દગ્ધા રામસ્ય દૂતેન વાનરેણ તરસ્વિના |
પીત્વા તૈલં પ્રવૃત્તાશ્ચ પ્રહસંત્યો મહાસ્વનાઃ||37||

લંકાયાં ભસ્મરૂક્ષાયાં પ્રવિષ્ટા રાક્ષસ સ્ત્રિયઃ|
કુંભકર્ણાદયશ્ચેમે સર્વે રાક્ષસ પુંગવઃ||38||

રક્તં નિવસનં ગૃહ્ય પ્રવિષ્ટા ગોમયહ્રદે|
અપગચ્છત નશ્યધ્વં સીતા માપ સ રાઘવઃ||39||

ઘાતયેત્ પરમામર્ષી સર્વૈ સ્સાર્થં હિ રાક્ષસૈઃ|
પ્રિયાં બહુમતાં ભાર્યાં વનવાસ મનુવ્રતામ્||40||

ભર્ત્સિતાં તર્જિતાં વાપિ નાનુમંશ્યતિ રાઘવઃ|
તદલં ક્રૂરવાક્યૈઃ વઃ સાંત્વમેવાભિદીયતામ્||41||

અભિયાચામ વૈદેહી મે તદ્ધિ મમરોચતે|
યસ્યાં એવં વિધઃ સ્વપ્નો દુઃખિતાયાં પ્રદૃશ્યતે||42||

સા દુઃખૈઃ વિવિધૈ ર્મુક્તા પ્રિયં પ્રાપ્નોત્યનુત્તમમ્|
ભર્ત્સિતા મપિ યાચધ્વં રાક્ષસ્યઃ કિં વિવક્ષયા||43||

રાઘવાદ્ધિ ભયં ઘોરં રાક્ષસાના મુપસ્થિતમ્|
પ્રણિપાતપ્રસન્ના હિ મૈથિલી જનકાત્મજા||44||

અલમેષા પરિત્રાતું રાક્ષસ્યો મહતો ભયાત્ |
અપિ ચાસ્યા વિશાલાક્ષ્યા ન કિંચિ દુપલક્ષયે||45||

વિરૂપમપિ ચાંગેષુ સુસૂક્ષ્મમપિ લક્ષણમ્|
છાયાવૈગુણ્યમાત્રં તુ શંકે દુઃખમુપસ્થિતમ્||46||

અદુઃખાર્હા મિમાં દેવીં વૈહાયસ મુપસ્થિતમ્|
અર્થસિદ્ધિં તુ વૈદેહ્યાઃ પશ્યામ્યહ મુપસ્થિતામ્||47||

રાક્ષસેંદ્રવિનાશં ચ વિજયં રાઘવસ્ય ચ|
નિમિત્તભૂત મેત ત્તુ શ્રોતુમસ્યા મહત્પ્રિયમ્||48||

દૃશ્યતે ચ સ્ફુરચ્છક્ષુઃ પદ્મ પત્ર મિવાયતમ્|
ઈષચ્ચ હૃષિતો વાસ્યા દક્ષિણાયા હ્યદક્ષિણઃ||49||

અકસ્માદેવ વૈદેહ્યા બાહુરેકઃ પ્રકંપતે|
કરેણુ હસ્ત પ્રતિમ સ્સવ્ય શ્ચોરુ રુનુત્તમઃ||50||
વેપમાન સ્સૂચયતિ રાઘવં પુરતઃ સ્થિતમ્||51||

પક્ષી ચ શાખા નિલયઃ પ્રહૃષ્ટઃ
પુનઃ પુનશ્ચોત્તમ સાંત્વવાદી|
સુસ્વાગતાં વાચ મુદીરયાનઃ
પુનઃ પુનશ્ચોદયતીવ હૃષ્ટઃ||52||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુંદરકાંડે સપ્તવિંશસ્સર્ગઃ||

|| Om tat sat ||