हरिः ओम्

Sloka Text in Telugu , Kannada, Gujarati, Devanagari, English

ಸುಂದರಕಾಂಡ.
ಅಥ ಏಕೋನತ್ರಿಂಶಸ್ಸರ್ಗಃ

ತಥಾ ಗತಾಂ ತಾಂ ವ್ಯಧಿತಾಮನಿಂದಿತಾಮ್
ವ್ಯಪೇತಹರ್ಷಾಂ ಪರಿದೀನ ಮಾನಸಾಮ್|
ಶುಭಾಂ ನಿಮಿತ್ತಾನಿ ಶುಭಾನಿ ಭೇಜಿರೇ
ನರಂ ಶ್ರಿಯಾ ಜುಷ್ಟ ಮಿಹೋಪ ಜೀವಿನಃ||1||

ತಸ್ಯಾ ಶ್ಶುಭಂ ವಾಮ ಮರಾಳಪಕ್ಷ್ಮ
ರಾಜೀವೃತಂ ಕೃಷ್ಣವಿಶಾಲಶುಕ್ಲಮ್|
ಪ್ರಾಸ್ಪಂದತೈಕಂ ನಯನಂ ಸುಕೇಶ್ಯಾ
ಮೀನಾಹತಂ ಪದ್ಮಾಮಿವಾಭಿತಾಮ್ರಂ|| 2||

ಭುಜಶ್ಚ ಚಾರ್ವಂಚಿತ ಪೀನವೃತ್ತಃ
ಪರಾರ್ಥ್ಯಕಾಲಾಗರುಚಂದನಾರ್ಹಃ|
ಅನುತ್ತಮೇ ನಾಧ್ಯುಷಿತಃ ಪ್ರಿಯೇಣ
ಚಿರೇಣ ವಾಮಃ ಸಮವೇಪತಾऽಶು||3||

ಗಜೇಂದ್ರಹಸ್ತಪ್ರತಿಮಶ್ಚ ಪೀನಃ
ತಯೋಃ ದ್ವಯೋಃ ಸಂಹತಯೋಃ ಸುಜಾತಃ|
ಪ್ರಸ್ಪಂದಮಾನಃ ಪುನ ರೂರು ರಸ್ಯಾ
ರಾಮಂ ಪುರಸ್ತಾತ್ ಸ್ಥಿತ ಮಾಚಚಕ್ಷೇ ||4||

ಶುಭಂ ಪುನರ್ಹೇಮಸಮಾನವರ್ಣ
ಮೀಷದ್ರಜೋ ಧ್ವಸ್ತಮಿವಾಮಲಾಕ್ಷ್ಯಾಃ|
ವಾಸಸ್ಥ್ಸಿತಾಯಾಃ ಶಿಖರಾಗ್ರದಂತ್ಯಾಃ
ಕಿಂಚಿತ್ಪರಿಸ್ರಂಸತ ಚಾರುಗಾತ್ಯ್ರಾಃ||5||

ಏತೈರ್ನಿಮಿತ್ತೈಃ ಅಪರಶ್ಚ ಸುಭ್ರೂಃ
ಸಂಬೋಧಿತಾ ಪ್ರಾಗಪಿ ಸಾಧು ಸಿದ್ಧೈಃ|
ವಾತಾತಪ್ಲಕಾಂತ ಮಿವ ಪ್ರಣಷ್ಟಮ್
ವರ್ಷೇಣ ಬೀಜಂ ಪ್ರತಿಸಂಜಹರ್ಷ||6||

ತಸ್ಯಾಂ ಪುನರ್ಬಿಂಬಫಲಾಧರೋಷ್ಟಮ್
ಸ್ವಕ್ಷಿಭ್ರು ಕೇಶಾಂತ ಮರಾಳ ಪಕ್ಷ್ಮ|
ವಕ್ತ್ರಂ ಬಭಾಸೇ ಸಿತಶುಕ್ಲದಂಷ್ಟ್ರಮ್
ರಾಹೋರ್ಮುಖಾಃ ಚಂದ್ರ ಇವಪ್ರಮುಕ್ತಃ||7||

ಸಾ ವೀತ ಶೋಕಾ ವ್ಯಪನೀತ ತಂದ್ರೀ
ಶಾಂತಜ್ವರಾ ಹರ್ಷವಿವೃದ್ಧಸತ್ವಾ|
ಅಶೋಭತಾರ್ಯಾ ವದನೇನ ಶುಕ್ಲೇ
ಶೀತಾಂಶುನಾ ರಾತ್ರಿ ರಿವೋದಿತೇನ ||8||

ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ಆದಿಕಾವ್ಯೇ ವಾಲ್ಮೀಕೀಯೇ
ಚತುರ್ವಿಂಶತ್ ಸಹಸ್ರಿಕಾಯಾಂ ಸಂಹಿತಾಯಾಮ್
ಶ್ರೀಮತ್ಸುಂದರಕಾಂಡೇ ಏಕೋನತ್ರಿಂಶಸ್ಸರ್ಗಃ||

|| ಓಮ್ ತತ್ ಸತ್||

|| Om tat sat ||