हरिः ओम्

Sloka Text in Telugu , Kannada, Gujarati, Devanagari, English

|| Om tat sat ||

સુન્દરકાંડ.
અથ એકોનચત્વારિંશસ્સર્ગઃ

મણિં દત્વા તતઃ સીતા હનુમંતમથાsબ્રવીત્|
અભિજ્ઞાનં અભિજ્ઞાતં એતત્ રામસ્ય તત્ત્વતઃ||1||

મણિં તુ દૃષ્ટ્વા રામો વૈ ત્રયાણાં સંસ્મરિષ્યતિ|
વીરો જનન્યા મમ ચ રાજ્ઞો દશરથસ્ય ચ||2||

સ ભૂયઃ ત્વં સમુત્સાહે ચોદિતો હરિસત્તમ|
અસ્મિન્ કાર્ય સમારંભે પ્રચિંતય યદુત્તરમ્||3||

ત્વમસ્મિન્ કાર્યનિર્યોગે પ્રમાણં હરિસત્તમ|
હનુમન્ યત્નમાસ્થાય દુઃખક્ષયકરો ભવ||4||

તસ્ય ચિંતયતો યત્નો દુઃખક્ષયકરો ભવેત્|
સ તથેતિ પ્રતિજ્ઞાય મારુતિર્ભીમવિક્રમઃ||5||

શિરસાઽઽવન્દ્ય વૈદેહીં ગમનાયોપચક્રમે|
જ્ઞાત્વા સંપ્રસ્થિતં દેવી વાનરં મારુતાત્મજમ્||6||

ભાષ્પગદ્ગદયા વાચા મૈથિલી વાક્યમબ્રવીત્|
કુશલં હનુમાન્ બ્રૂયાઃ સહિતૌ રામલક્ષ્મણૌ||7||

સુગ્રીવં ચ સહામાત્યં વૃદ્ધાન્ સર્વાંશ્ચ વાનરાન્|
બ્રૂયાસ્ત્વં વાનરશ્રેષ્ઠ કુશલં ધર્મસંહિતમ્||8||

યથા સ ચ મહાબાહુઃ માં તારયતિ રાઘવઃ|
અસ્માત્ દુઃખાંબુસંરોધાત્ ત્વં સમાધાતુમર્હસિ||9||

જીવંતીં માં યથા રામઃ સંભાવયતિ કીર્તિમાન્|
તત્તથા હનુમાન્ વાચ્યં વાચા ધર્મમવાપ્નુહિ||10||

નિત્યમુત્સાહ યુક્તાશ્ચ વાચઃ શ્રુત્વા ત્વયેરિતાઃ|
વર્ધિષ્યતે દાશરથેઃ પૌરુષં મદવાપ્તયે||11||

મત્સંદેશયુતા વાચસ્ત્વત્તઃ શ્રુત્વા ચ રાઘવઃ|
પરાક્રમવિથિં વીરો વિધિવત્ સંવિધાસ્યતિ||12||

સીતાયા વચનં શ્રુત્વા હનુમાન્ મારુતાત્મજઃ|
શિરસ્યંજલિ માથાય વાક્ય મુત્તરમબ્રવીત્||13|

ક્ષિપ્રમેષ્યતિ કાકુત્‍સ્થો હર્યૃક્ષપ્રવરૈર્વૃતઃ|
યસ્તે યુધિ વિજિત્યારીન્ શોકં વ્યપનયિષ્યતિ||14||

ન હિ પશ્યામિ મર્ત્યેષુ વાસુરેષુ સુરેષુ વા|
યસ્તસ્ય ક્ષિપતો બાણાન્ સ્થાતુ મુત્સહતેsગ્રતઃ||15||

અપ્યર્કમપિ પર્જન્યમપિ વૈવસ્વતં યમમ્|
સ હિ સોઢું રણે શક્તસ્તવ હેતોર્વિશેષતઃ||16||

સહિ સાગરપર્યંતાં મહીં શાસિતુ મીહતે|
ત્વન્નિમિત્તો હિ રામસ્ય જયો જનકનંદિનિ||17||

તસ્ય તદ્વચનં શ્રુત્વા સમ્યક્સત્યં સુભાષિતમ્|
જાનકી બહુ મેનેઽથ વચનં ચેદ મબ્રવીત્||18||

તતસ્તં પ્રસ્થિતં સીતા વીક્ષમાણા પુનઃ પુનઃ|
ભર્તૃ સ્નેહાન્વિતં વાક્યં સૌહાર્દાદન્વમાનયત્||19||

યદિવા મન્યસે વીર વસૈકાહ મરિંદમ|
કસ્મિંશ્ચિત્સંવૃતો દેસે વિશ્રાંતઃ શ્વો ગમિષ્યસિ||20||

મમચેદલ્પભાગ્યાયાઃ સાનિધ્યાત્તવ વાનર|
અસ્ય શોકસ્ય મહતો મુહૂર્તં મોક્ષણં ભવેત્||21||

ગતે હિ હરિશાર્દૂલ પુનરાગમાનાય તુ|
પ્રાણાના મપિ સંદેહો મમસ્યાન્નત્ર સંશયઃ||22||

તવા દર્શનજઃ શોકો ભૂયો માં પરિતાપયેત્|
દુઃખા દુઃખપરામૃષ્ટાં દીપયન્નિવ વાનર||23||

અયં ચ વીર સંદેહાઃ તિષ્ટતીવ મમાગ્રતઃ|
સુમહાં સ્ત્વત્સહાયેષુ હર્યૃક્ષેષુ હરીશ્વર||24||

કથં નુ ખલુ દુષ્પારં તરિષ્યંતિ મહોદધિમ્|
તાનિ હર્યૃક્ષસૈન્યાનિ તૌ વાનરવરાત્મજૌ||25||

ત્રયાણામેવ ભૂતાનાં સાગરસ્યાસ્ય લંઘને|
શક્તિસ્સ્યાત્ વૈનતેયસ્ય તવ વા મારુતસ્ય વા||26||

તદસ્મિન્ કાર્ય નિર્યોગે વીરૈવં દુરતિક્રમે|
કિં પશ્યસિ સમાધાનં ત્વં હિ કાર્યવિદાં વરઃ||27||

કામમસ્ય ત્વમેવૈકઃ કાર્યસ્ય પરિસાધને|
પર્યાપ્તઃ પરવીરઘ્ન યશસ્ય સ્તે ફલોદયઃ||28||

બલૈઃ સમગ્રૈઃ યદિ માં રાવણં જિત્ય સંયુગે|
વિજયી સ્વપુરં યાયાત્તત્તુ મે સ્યાત્ યશસ્કરમ્||29||

શરૈસ્તુ સંકુલાં કૃત્વા લંકા પરબલાર્દનઃ|
માં નયેદ્યદિ કાકુત્‍સ્થઃ તત તસ્ય સદૃશં ભવેત્||30||

તદ્યથા તસ્ય વિક્રાંતમનુરૂપં મહાત્મનઃ|
ભવેદાવહશૂરસ્ય તથા ત્વમુપપાદય||31||

તદર્થોપહિતં વાક્યં સહિતં હેતુસંહિતમ્|
નિશમ્ય હનુમાન્ શેષં વાક્યમુત્તરમબ્રવીત્||32||

દેવી હર્યૃક્ષસૈન્યાનાં ઈશ્વરઃ પ્લવતાં વરઃ|
સુગ્રીવઃ સત્ત્વસંપન્નઃ તવાર્થે કૃતનિશ્ચયઃ||33||

સ વાનર સહસ્રાણાં કોટિભિરભિસંવૃતઃ|
ક્ષિપ્રમેષ્યતિ વૈદેહિ રાક્ષસાનાં નિબર્હણઃ||34||

તસ્ય વિક્રમસંપન્નાઃ સત્ત્વવંતો મહાબલાઃ|
મનઃ સંકલ્પસંપાતા નિદેશે હરયઃ સ્થિતાઃ||35||

યેષાં નોપરિ નાધસ્તાન્ નતિર્યક્સજ્જતે ગતિઃ|
ન ચ કર્મસુ સીદંતિ મહત્સ્વમિત તેજસઃ||36||

અસકૃતૈર્મહોત્સાહૈઃ સ સાગરધરાહરા|
પ્રદક્ષિણીકૃતા ભૂમિઃ વાયુમાર્ગાનુસારિભિઃ||37||

મદ્વિશિષ્ઠાશ્ચ તુલ્યાશ્ચ સંતિ તત્ર વનૌકસઃ|
મત્તઃ પ્રત્યરઃ કશ્ચિન્નાસ્તિ સુગ્રીવ સન્નિધૌ||38||

અહં તાવદિહ પ્રાપ્તઃ કિંપુનસ્તે મહાબલાઃ|
ન હિ પ્રકૃષ્ટાઃ પ્રેષ્યંતે પ્રેષ્યંતે હીતરે જનાઃ||39||

તદલં પરિતાપેન દેવિ શોકોવ્યપૈતુ તે|
એકોત્પાતેન તે લંકામેષ્યંતિ હરિયૂથપાઃ||40||

મમપૃષ્ઠગતૌ તૌ ચંદ્ર સૂર્યાવિવોદિ તૌ|
ત્વત્સકાશં મહાસત્ત્વૌ નૃશિંહાવાગમિષ્યતઃ|| 41||

તૌ હિ વીરૌ નરવરૌ સહિતૌ રામલક્ષ્મણૌ|
આગમ્ય નગરીં લંકાં સાયકૈર્વિધમિષ્યતઃ||42||

સગણં રાવણં હત્વા રાઘવો રઘુનંદનઃ|
ત્વા માદાય વરારોહે સ્વપુરં પ્રતિ યાસ્યતિ||43||

તદાશ્વસિહિ ભદ્રં તે ભવ ત્વં કાલકાંક્ષિણી|
ન ચિરાત્ દ્રક્ષ્યસે રામં પ્રજ્વલંત મિવાલનમ્||44||

નિહતે રાક્ષસેંદ્રેઽસ્મિન્ સપુત્રામાત્યબાંધવે|
ત્વં સમેષ્યસિ રામેણ શશાંકેનેવ રોહિણી||45||

ક્ષિપ્રં ત્વં દેવિ શોકસ્ય પારં યાસ્યસિ મૈથિલિ|
રાવણં ચૈવ રામેણ નિહતં દ્રક્ષ્યસેsચિરાત્||46||

એવ માશ્વાસ્ય વૈદેહીં હનુમાન્ મારુતાત્મજઃ|
ગમનાય મતિં કૃત્વા વૈદેહીં પુનરબ્રવીત્||47||

તમરિઘ્નં કૃતાત્માનં ક્ષિપ્રં દ્રક્ષ્યસિ રાઘવં|
લક્ષ્મણં ચ ધનુષ્પાણિં લંકાદ્વારમુપસ્થિતમ્||48||

નખદંષ્ટ્રાયુધાન્ વીરાન્ સિંહશાર્દૂલવિક્રમાન્|
વાનરાન્ વાનરનેંદ્રાભાન્ ક્ષિપ્રં દ્રક્ષ્યસિ સંગતાન્||49||

શૈલાંબુદનિકાશાનાં લંકામલયસાનુષુ|
નર્દતાં કપિમુખ્યાનાં આર્યે યૂથાન્ અનેકશઃ||50||
સ તુ મર્મણિ ઘોરેણ તાડિતો મન્મથેષુણા|
નશ્રમ લભતે રામઃ સિંહાર્દિત ઇવદ્વિપઃ||51||

મારુદો દેવી શોકેન માભૂત્તે મનસોsપ્રિયં|
શચીવ પત્યા શક્રેણ ભર્ત્રા નાથવતી હ્યસિ||52||

રામાદ્વિશિષ્ઠઃ કોઽન્યોઽસ્તિ કશ્ચિત્ સૌમિત્રિણા સમઃ|
અગ્નિમારુતકલ્પૌ તૌ ભ્રાતરૌ તવ સંશ્રયૌ||53||

નાસ્મિં શ્ચિરં વત્સ્યસિ દેવિ દેશે
રક્ષોગણૈરધ્યુષિતેઽતિ રૌદ્રે|
ન તે ચિરાદાગમનં પ્રિયસ્ય
ક્ષમસ્વ મત્સંગમકાલમાત્રમ્||54||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુન્દરકાંડે એકોનચત્વારિંશસ્સર્ગઃ ||
|| Om tat sat ||

|| Om tat sat ||