हरिः ओम्

Sloka Text in Telugu , Kannada, Gujarati, Devanagari, English

સુન્દરકાંડ.
અથ એકોનપંચાશસ્સર્ગઃ||

તતઃ સ કર્મણા તસ્ય વિસ્મિતો ભીમવિક્રમઃ|
હનુમાન્રોષતામ્રાક્ષો રક્ષોધિપમવૈક્ષત||1||

ભ્રાજમાનં મહાર્હેણ કાંચનેન વિરાજતા|
મુક્તજાલાવૃતે નાથ મકુટેન મહાદ્યુતિમ્||2||

વજ્રસંયોગસંયુક્તૈઃ મહર્હમણિવિગ્રહૈઃ|
હૈમૈરાભરણૈશ્ચિત્રૈઃ મનસેવ પ્રકલ્પિતૈઃ||3||

મહર્હક્ષૌમસંવીતં રક્તચંદનરૂષિતં|
સ્વનુલિપ્તં વિચિત્રાભિર્વિવિધાભિશ્ચ ભક્તિભિઃ||4||

વિવૃતૈર્દર્શનીયૈશ્ચ રક્તાક્ષૈર્ભીમદર્શનૈઃ|
દીપ્ત તીક્ષ્ણમહાદંષ્ટ્રૈઃ પ્રલંબદશનચ્છદૈઃ||5||

શિરોભિર્દશભિર્વીરં ભ્રાજમાનં મહૌજસં|
નાનાવ્યાળસમાકીર્ણૈઃ શિખરૈરિવ મંદરમ્||6||

નીલાંજનચયપ્રખ્યં હારેણોરસિ રાજતા|
પૂર્ણ ચંદ્રાભવક્ત્રેન સબલાકમિવાંબુદમ્||7||

બાહુભિર્બદ્ધકેયૂરૈઃ ચંદનોત્તમરૂષિતૈઃ|
ભ્રાજમાનાંગદૈઃ પીનૈઃ પંચશીર્ષૈરિવોરગૈઃ||8||

મહતિ સ્ફાટિકે ચિત્રે રત્નસંયોગસંસ્કૃતે|
ઉત્તમાસ્તરણાસ્તીર્ણે સૂપવિષ્ટં વરાનને||9||

અલંકૃતાભિરત્યર્થં પ્રમદાભિઃ સમંતતઃ|
વાલવ્યજનહસ્તાભિઃ આરાત્સમુપસેવિતમ્||10||

દુર્ધરેણ પ્રહસ્તેન મહાપાર્શ્વેન રક્ષસા|
મંત્રિભિર્મંત્રતત્ત્વજ્ઞૈઃ નિકુંભેન ચ મંત્રિણા||11||

સુખોપવિષ્ટં રક્ષોભિઃ ચતુર્ભિઃ બલદર્પિતૈઃ|
કૃત્સ્નઃ પરિવૃતોલોકઃ ચતુર્ભિરિવસાગરૈઃ||12||

મંત્રિભિર્મંત્રતત્ત્વજ્ઞૈઃ અન્યૈશ્ચ શુભબુદ્ધિભિઃ|
અન્વાસ્યમાનં રક્ષોભિઃ સુરૈરિવ સુરેશ્વરમ્||13||

અપશ્યત્ રાક્ષપતિં હનુમાનતિતેજસં|
વિષ્ઠિતં મેરુશિખરે સતોયમિવ તોયદમ્||14||

સતૈસંપીડ્યમાનોઽપિ રક્ષોભિર્ભીમવિક્રમૈઃ|
વિસ્મયં પરમં ગત્વા રક્ષોઽધિપમવૈક્ષત||15||

ભ્રાજમાનં તતો દૃષ્ટ્વા હનુમાન્રાક્ષસેશ્વરમ્|
મનસા ચિંતયામાસ તેજસા તસ્ય મોહિતા||16||

અહો રૂપ મહોધૈર્ય મહોસત્ત્વ મહોદ્યુતિઃ|
અહો રાક્ષસરાજસ્ય સર્વલક્ષણ યુક્તતા||17||

યદ્યધર્મો ન બલવાન્ સ્યાદયં રાક્ષસેશ્વરઃ|
સ્યા દયં સુરલોકસ્ય સશક્રસ્યાપિ રક્ષિતા||18||

અસ્ય ક્રૂરૈર્નૃશંસૈશ્ચ કર્મભિર્લોકકુત્સિતૈઃ|
સર્વે બિભ્યતિ ખલ્વસ્માલ્લોકાઃ સામરદાનવાઃ||19||
અયં હ્યુત્સહતે ક્રુદ્ધઃ કર્તુમેકાર્ણવં જગત્|

ઇતિચિંતાં બહુવિધા મકરોન્મતિમાન્ કપિઃ||
દૃષ્ટ્વા રાક્ષસરાજસ્ય પ્રભાવમમિતૌજસઃ||20||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુન્દરકાંડે એકોનપંચાશસ્સર્ગઃ ||

|| Om tat sat ||