Select Sloka Sript in Devanagari / Telugu/ Kannada/ Gujarati /English

ಸುಂದರಕಾಂಡ.
ಅಥ ನವಮಸ್ಸರ್ಗಃ

ತಸ್ಯಾಲಯ ವರಿಷ್ಟಸ್ಯ ಮಧ್ಯೇ ವಿಪುಲಮಾಯತಮ್|
ದದರ್ಶ ಭವನಂ ಶ್ರೇಷ್ಟಂ ಹನುಮಾನ್ಮಾರುತಾತ್ಮಜಃ||1||

ಅರ್ಥಯೋಜನ ವಿಸ್ತೀರ್ಣಮ್ ಆಯತಂ ಯೋಜನಂ ಹಿ ತತ್|
ಭವನಂ ರಾಕ್ಷಸೇನ್ದ್ರಸ್ಯ ಬಹುಪ್ರಾಸಾದಸಂಕುಲಮ್||2||

ಮಾರ್ಗಮಾಣಸ್ತು ವೈದೇ ಹೀಂ ಸೀತಾಂ ಆಯತಲೋಚನಾಮ್|
ಸರ್ವತಃ ಪರಿಚಕ್ರಾಮ ಹನುಮಾನ್ ಅರಿಸೂದನಃ||3||

ಉತ್ತಮಮ್ ರಾಕ್ಷಸಾವಾಸಂ ಹನುಮಾನ್ ಅವಲೋಕಯನ್|
ಅಸಸಾಥ ಲಕ್ಷ್ಮೀವಾನ್ ರಾಕ್ಷಸೇಂದ್ರನಿವೇಶನಮ್||4||

ಚತುರ್ವಿಷಾಣೈರ್ದ್ವಿರದೈಃ ತ್ರಿವಿಷಾಣೈಃ ತಥೈವ ಚ|
ಪರಿಕ್ಷಿಪ್ತಮಸಂಬಾಧಂ ರಕ್ಷ್ಯಮಾಣಮುದಾಯುಧೈಃ ||5||

ರಾಕ್ಷಸೀಭಿಶ್ಚ ಪತ್ನೀಭೀ ರಾವಣಸ್ಯ ನಿವೇಶನಮ್|
ಅಹೃತಾಭಿಶ್ಚ ವಿಕ್ರಮ್ಯ ರಾಜಕನ್ಯಾಭಿರಾವೃತಮ್||6||

ತನ್ನಕ್ರಮಕರಾಕೀರ್ಣಂ ತಿಮಿಂಗಿಲಝಷಾಕುಲಮ್|
ವಾಯುವೇಗ ಸಮಾಧೂತಂ ಪನ್ನಗೈರಿವ ಸಾಗರಮ್||7||

ಯಾಹಿ ವೈಶ್ರವಣೇ ಲಕ್ಷ್ಮೀ ರ್ಯಾಚೇನ್ದ್ರೇ ಹರಿವಾಹನೇ|
ಸಾ ರಾವಣಗೃಹೇ ಸರ್ವಾ ನಿತ್ಯಮೇವಾನಪಾಯಿನೀ||8||

ಯಾ ಚ ರಾಜ್ಞಃ ಕುಬೇರಸ್ಯ ಯಮಸ್ಯ ವರುಣಸ್ಯ ಚ|
ತಾದೃಶೀ ತದ್ವಿಶಿಷ್ಟಾ ವಾ ಋದ್ಧೀ ರಕ್ಷೋಗೃಹೇ ಷ್ವಿಹ||9||

ತಸ್ಯ ಹರ್ಮಸ್ಯ ಮಧ್ಯಸ್ಥಂ ವೇಶ್ಮ ಚಾನ್ಯತ್ಸುನಿರ್ಮಿತಮ್|
ಬಹುನಿರ್ಯೂಹ ಸಂಕೀರ್ಣಂ ದದರ್ಶ ಪವನಾತ್ಮಜಃ||10||

ಬ್ರಹ್ಮಣೋಽರ್ಥೇ ಕೃತಂ ದಿವ್ಯಂ ದಿವಿ ಯದ್ವಿಶ್ವಕರ್ಮಣಾ|
ವಿಮಾನಂ ಪುಷ್ಪಕಂ ನಾಮ ಸರ್ವರತ್ನವಿಭೂಷಿತಮ್||11||

ಪರೇಣ ತಪಸಾ ಲೇಭೇ ಯತ್ಕುಬೇರಃ ಪಿತಾಮಹತ್|
ಕುಬೇರಮೋಜಸಾ ಜಿತ್ವಾ ಲೇಭೇ ತದ್ರಾಕ್ಷಸೇಶ್ವರಃ||12||

ಈಹಾಮೃಗ ಸಮಾಯುಕ್ತೈಃ ಕಾರ್ತಸ್ವರಹಿರಣ್ಮಯೈಃ|
ಸುಕೃತೈರಾಚಿತಂ ಸ್ತಂಭೈಃ ಪ್ರದೀಪ್ತಮಿವ ಚ ಶ್ರಿಯಾ||13||

ಮೇರುಮಂದರಸಂಕಾಶೈ ರುಲ್ಲಿಖದ್ಭಿ ರಿವಾಂಬರಮ್|
ಕೂಟಾಗಾರೈ ಶ್ಶುಭಾಕಾರೈಃ ಸರ್ವತಃ ಸಮಲಂಕೃತಮ್||14||

ಜ್ವಲನಾರ್ಕ ಪ್ರತೀಕಾಶಂ ಸುಕೃತಮ್ ವಿಶ್ವಕರ್ಮಣಾ|
ಹೇಮಸೋಪಾನ ಸಂಯುಕ್ತಂ ಚಾರುಪ್ರವರ ವೇದಿಕಮ್||15||

ಜಾಲಾವಾತಾಯನೈರ್ಯುಕ್ತಂ ಕಾಞ್ಚನೈಃ ಸ್ಪಾಟಿಕೈರಪಿ|
ಇನ್ದ್ರನೀಲ ಮಹಾನೀಲ ಮಣಿ ಪ್ರವರ ವೇದಿಕಮ್||16||

ವಿದ್ರುಮೇಣ ವಿಚಿತ್ರೇಣ ಮಣಿಭಿಶ್ಚಮಹಾಘನೈಃ|
ನಿಸ್ತುಲಾಭಿಶ್ಚ ಮುಕ್ತಾಭಿಃ ತಲೇನಾಭಿ ವಿರಾಜಿತಮ್||17||

ಚನ್ದನೇನ ಚ ರಕ್ತೇನ ತಪನೀಯನಿಭೇನ ಚ|
ಸುಪುಣ್ಯಗನ್ಧಿನಾಯುಕ್ತಂ ಆದಿತ್ಯತರುಣೋಪಮಮ್||18||

ಕೂಟಾಗಾರೈರ್ವರಾಕಾರೈಃ ವಿವಿಧೈಃ ಸಮಲಂಕೃತಮ್|
ವಿಮಾನಂ ಪುಷ್ಪಕಂ ದಿವ್ಯಂ ಆರುರೋಹ ಮಹಾಕಪಿಃ||19||

ತತ್ರಸ್ಥಃ ಸ ತದಾ ಗನ್ಧಂ ಪಾನಭಕ್ಷ್ಯಾನ್ನಸಂಭವಮ್|
ದಿವ್ಯಂ ಸಮ್ಮೂರ್ಛಿತಂ ಜಿಘ್ರ ದ್ರೂಪವಂತ ಮಿವಾನಲಮ್||20||

ಸ ಗನ್ಧಸ್ತ್ವಂ ಮಹಾಸತ್ತ್ವಂ ಬಂಧುರ್ಬಂಧುಮಿವೋತ್ತಮಮ್|
ಇತ ಏಹೀ ತ್ಯುವಾಚೇ ನ ತತ್ರ ಯತ್ರ ಸ ರಾವಣಃ||21||

ತತ ಸ್ಥಾಂ ಪ್ರಸ್ಥಿತಃ ಶಾಲಾಮ್ ದದರ್ಶ ಮಹತೀಂ ಶುಭಾಮ್|
ರಾವಣಸ್ಯ ಮನಃ ಕಾನ್ತಾಂ ಕಾನ್ತಾಮಿವ ವರಸ್ತ್ರಿಯಮ್||22||

ಮಣಿಸೋಪಾನವಿಕೃತಾಂ ಹೇಮಜಾಲವಿಭೂಷಿತಾಮ್|
ಸ್ಪಾಟಿಕೈರಾವೃತತಲಾಂ ದನ್ತಾನ್ತರಿತರೂಪಿಕಾಮ್||23||

ಮುಕ್ತಾಭಿಶ್ಚ ಪ್ರವಾಳೈಶ್ಚ ರೂಪ್ಯಚಾಮೀಕರೈರಪಿ|
ವಿಭೂಷಿತಾಂ ಮಣಿಸ್ತಮ್ಭೈಃ ಸುಬಹೂಸ್ತಮ್ಭಭೂಷಿತಾಮ್||24||

ನಮ್ರೈರೃಜುಭಿರತ್ಯುಚ್ಚೈಃ ಸಮಂತಾತ್ಸುವಿಭೂಷಿತೈಃ |
ಸ್ತಂಭೈಃ ಪಕ್ಷೈರಿವಾತ್ಯುಚ್ಚೈರ್ದಿವಂ ಸಂಪ್ರಸ್ಥಿತಾಮಿವ ||25||

ಮಹತ್ಯಾ ಕುಥಯಾಸ್ತೀರ್ಣಾಂ ಪೃಥಿವೀ ಲಕ್ಷಣಾಙ್ಕಯಾ|
ಪೃಥಿವೀಮಿವ ವಿಸ್ತೀರ್ಣಂ ಸರಾಷ್ಟ್ರ ಗೃಹಮಾಲಿನೀಮ್||26||

ನಾದಿತಾಂ ಮತ್ತವಿಹಗೈಃ ದಿವ್ಯಗನ್ಧಾದಿವಾಸಿತಾಮ್|
ಪರಾರ್ಥ್ಯಾಸ್ತರಣೋ ಪೇತಾಂ ರಕ್ಷೋಧಿಪನಿಷೇವಿತಾಮ್||27||

ಧೂಮ್ರಾಂ ಅಗರುಧೂಪೇನ ವಿಮಲಾಂ ಹಂಸಪಾಣ್ಡುರಾಮ್|
ಚಿತ್ರಾಂ ಪುಷ್ಪೋಪಹಾರೇಣ ಕಲ್ಮಾಷೀ ಮಿವ ಸುಪ್ರಭಾಮ್||28||

ಮನಃ ಸಂಹ್ಲಾದ ಜನನೀಂ ವರ್ಣಸ್ಯಾಪಿ ಪ್ರಸಾದಿನೀಮ್|
ತಾಂ ಶೋಕನಾಶಿನೀಂ ದಿವ್ಯಾಂ ಶ್ರಿಯಃ ಸಂಜನನೀಮಿವ||29||

ಇನ್ದ್ರಿಯಾಣೀನ್ದ್ರಿಯಾರ್ಥೈಸ್ತು ಪಞ್ಚಪಞ್ಚಭಿರುತ್ತಮೈಃ|
ತರ್ಪಯಾಮಾಸ ಮಾತೇವ ತದಾ ರಾವಣಪಾಲಿತಾ||30||

ಸ್ವರ್ಗೋಽಯಂ ದೇವಲೋಕೋಽಯಂ ಇನ್ದ್ರಸ್ಯೇಯಂ ಪುರೀ ಭವೇತ್|
ಸಿದ್ಧಿರ್ವೇಯಂ ಪರಾಹಿಸ್ಯಾ ದಿತ್ಯಮನ್ಯತ ಮಾರುತಿಃ||31||

ಪ್ರಧ್ಯಾಯತ ಇವಾಪಸ್ಯತ್ ಪ್ರದೀಪ್ತಾಂ ಸ್ತತ್ರ ಕಾಂಚನಾನ್|
ಧೂರ್ತಾನಿವ ಮಹಾಧೂರ್ತೈ ರ್ದೇವನೇನ ಪರಾಜಿತಾನ್||32||

ದೀಪಾನಾಂ ಚ ಪ್ರಕಾಶೇನ ತೇಜಸಾ ರಾವಣಸ್ಯ ಚ|
ಅರ್ಚಿರ್ಭಿಃ ಭೂಷಣಾನಾಂ ಚ ಪ್ರದೀಪ್ತೇತ್ಯಭ್ಯ ಮನ್ಯತ||33||

ತತೋಽಪಶ್ಯತ್ಕುಥಾಽಽಸೀನಂ ನಾನಾವರ್ಣಾಮ್ಬರಸ್ರಜಮ್|
ಸಹಸ್ರಂ ವರನಾರೀಣಾಂ ನಾನಾವೇಷ ವಿಭೂಷಿತಮ್ ||34||

ಪರಿವೃತ್ತಽರ್ಥರಾತ್ರೇ ತು ಪಾನನಿದ್ರಾವಶಂ ಗತಮ್|
ಕ್ರೀಡಿತ್ವೋಪರತಂ ರಾತ್ರೌ ಸುಷ್ವಾಪ ಬಲವತ್ತದಾ||35||

ತತ್ಪ್ರಸುಪ್ತಂ ವಿರುರುಚೇ ನಿಶ್ಶಬ್ದಾನ್ತರಭೂಷಣಮ್|
ನಿಶ್ಶಬ್ದಹಂಸ ಭ್ರಮರಂ ಯಥಾ ಪದ್ಮವನಂ ಮಹತ್||36||

ತಾಸಾಂ ಸಂವೃತನ್ತಾನಿ ಮೀಲಿತಾಕ್ಷಾಣಿ ಮಾರುತಿಃ|
ಅಪಶ್ಯತ್ ಪದ್ಮಗನ್ಧೀನಿ ವದನಾನಿ ಸುಯೋಷಿತಾಮ್||37||

ಪ್ರಬುದ್ಧಾನಿವ ಪದ್ಮಾನಿ ತಾಸಾಂ ಭೂತ್ವಾಕ್ಷಪಾಕ್ಷಯೇ|
ಪುನಸ್ಸಂವೃತಪತ್ತ್ರಾಣಿ ರಾತ್ರಾವಿವ ಬಭುಸ್ತದಾ||38||

ಇಮಾನಿ ಮುಖಪದ್ಮಾನಿ ನಿಯತಂ ಮತ್ತಷಟ್ಪದಾಃ|
ಅಮ್ಬುಜಾನೀವ ಪುಲ್ಲಾನಿ ಪ್ರಾರ್ಥಯನ್ತಿ ಪುನಃ ಪುನಃ||39||

ಇತಿಚಾಮನ್ಯತ ಶ್ರೀಮಾನ್ ಉಪಪತ್ತ್ಯಾ ಮಹಾಕಪಿಃ|
ಮೇನೇ ಹಿ ಗುಣತಸ್ತಾನಿ ಸಮಾನಿ ಸಲಿಲೋದ್ಭವೈಃ||40||

ಸಾ ತಸ್ಯ ಶುಶುಭೇಶಾಲಾ ತಾಭಿಃ ಸ್ತ್ರೀಭಿ ರ್ವಿರಾಜಿತಾ|
ಶರದೀವ ಪ್ರಸನ್ನಾ ದ್ಯೌಃ ತಾರಾಭಿರಭಿಶೋಭಿತಾ||41||

ಸ ಚ ತಾಭಿಃ ಪರಿವೃತಃ ಶುಶುಭೇ ರಾಕ್ಷಸಾಧಿಪಃ|
ಯಥಾ ಹ್ಯುಡು ಪತಿಃ ಶ್ರೀಮಾಂ ಸ್ತಾರಾಭಿರಭಿಸಂವೃತಃ||42||

ಯಾಶ್ಚ್ಯವನ್ತೇಽ‍ಮ್ಬಬರಾತ್ತಾರಾಃ ಪುಣ್ಯಶೇಷ ಸಮಾವೃತಾಃ|
ಇಮಾಸ್ತಾಃ ಸಂಗತಾಃ ಕೃತ್ಸ್ನಾ ಇತಿ ಮೇನೇ ಹರಿಸ್ತದಾ||43||

ತಾರಾಣಾಮಿವ ಸುವ್ಯಕ್ತಂ ಮಹತೀನಾಂ ಶುಭಾರ್ಚಿಷಾಮ್|
ಪ್ರಭಾವರ್ಣ ಪ್ರಸಾದಾಶ್ಚ ವಿರೇಜುಸ್ತತ್ರ ಯೋಷಿತಾಮ್||44||

ವ್ಯಾವೃತ್ತಗುರು ಪೀನಸ್ರಕ್ಪ್ರಕೀರ್ಣ ವರಭೂಷಣಾಃ|
ಪಾನವ್ಯಾಯಮಕಾಲೇಷು ನಿದ್ರಾಪಹೃತಚೇತಸಃ||45||

ವ್ಯಾವೃತ್ತ ತಿಲಕಾಃ ಕಾಶ್ಚಿತ್ ಕಾಶ್ಚಿದುದ್ಭ್ರಾಂತನೂಪುರಾಃ|
ಪಾರ್ಶ್ವೇ ಗಳಿತಹಾರಾಶ್ಚ ಕಾಶ್ಚಿತ್ ಪರಮಯೋಷಿತಾಃ||46||

ಮುಕ್ತಾಹಾರಾಽವೃತಾ ಶ್ಚಾನ್ಯಾಃ ಕಾಶ್ಚಿತ್ ವಿಸ್ರಸ್ತವಾಸಸಃ|
ವ್ಯಾವಿದ್ದರಶನಾದಾಮಾಃ ಕಿಶೋರ್ಯ ಇವ ವಾಹಿತಾಃ||47||

ಸುಕುಣ್ಡಲಧರಾಶ್ಚಾನ್ಯಾ ವಿಚ್ಛಿನ್ನಮೃದಿತಸ್ರಜಃ|
ಗಜೇನ್ದ್ರಮೃದಿತಾಃ ಪುಲ್ಲಾ ಲತಾ ಇವ ಮಹಾನನೇ||48||

ಚನ್ದ್ರಾಂಶುಕಿರಣಾಭಾಶ್ಚ ಹಾರಾಃ ಕಾಸಾಂಚಿದುತ್ಕಟಾಃ|
ಹಂಸಾ ಇವ ಬಭುಃ ಸುಪ್ತಾಃ ಸ್ತನಮಧ್ಯೇಷು ಯೋಷಿತಾಮ್||49||

ಅಪರಾಸಾಂ ಚ ವೈಢೂರ್ಯಾಃ ಕಾದಂಬಾ ಇವ ಪಕ್ಷಿಣಃ|
ಹೇಮಸೂತ್ರಾಣಿ ಚಾನ್ಯಾಸಾಮ್ ಚಕ್ರವಾಕ ಇವಾಭವನ್||50||

ಹಂಸಕಾರಣ್ಡವಾಕೀರ್ಣಾಃ ಚಕ್ರವಾಕೋಪಶೋಭಿತಾಃ|
ಆಪಗಾ ಇವ ತಾ ರೇಜುರ್ಜಘನೈಃ ಪುಲಿನೈರಿವ||51||

ಕಿಙ್ಕಿಣೀಜಾಲ ಸಂಕೋಶಾಸ್ತಾ ಹೈಮವಿಪುಲಾಂಬುಜಾಃ|
ಭಾವಗ್ರಾಹಾ ಯಶಸ್ತೀರಾಃ ಸುಪ್ತಾನದ್ಯ ಇವಾಽಽಬಭುಃ||52||

ಮೃದುಷ್ವಙ್ಗೇಷು ಕಾಸಾಂಚಿತ್ ಕುಚಾಗ್ರೇಷು ಚ ಸಂಸ್ಥಿತಾಃ|
ಬಭೂವುರ್ಭೂಷಣಾ ನೀವ ಶುಭಾ ಭೂಷಣರಾಜಯಃ||53||

ಅಂಶುಕಾನ್ತಾಶ್ಚ ಕಾಸಾಂಚಿನ್ ಮುಖಮಾರುತಕಂಪಿತಾಃ|
ಉಪರ್ಯುಪರಿವಕ್ತ್ರಾಣಾಂ ವ್ಯಾಧೂಯನ್ತೇ ಪುನಃ ಪುನಃ||54||

ತಾಃ ಪತಾಕಾಇವೋದ್ಥೂತಾಃ ಪತ್ನೀನಾಂ ರುಚಿರಪ್ರಭಾಃ|
ನಾನಾವರ್ಣ ಸುವರ್ಣಾನಾಮ್ ವಕ್ತ್ರಮೂಲೇಷು ರೇಜಿರೇ||55||

ವವಲ್ಗುಶ್ಚಾತ್ರ ಕಾಸಾಂಚಿತ್ ಕುಣ್ಡಲಾನಿ ಶುಭಾರ್ಚಿಷಾಮ್|
ಮುಖಮಾರುತ ಸಂಸರ್ಗಾನ್ ಮನ್ದಂ ಮನ್ದಂ ಸುಯೋಷಿತಾಮ್||56||

ಶರ್ಕರಽಸನ ಗನ್ಧೈಶ್ಚ ಪ್ರಕೃತ್ಯಾ ಸುರಭಿಸ್ಸುಖಃ|
ತಾಸಾಂ ವದನನಿಶ್ವ್ಯಾಸಃ ಸಿಷೇವೇ ರಾವಣಂ ತದಾ||57||

ರಾವಣಾನನಶಙ್ಕಾಶ್ಚ ಕಾಶ್ಚಿತ್ ರಾವಣಯೋಷಿತಃ|
ಮುಖಾನಿ ಸ್ಮ ಸಪತ್ನೀನಾಂ ಉಪಾಜಿಘ್ರನ್ ಪುನಃ ಪುನಃ||58||

ಅತ್ಯರ್ಥಂ ಸಕ್ತಮನಸೋ ರಾವಣೇ ತಾ ವರಸ್ತ್ರಿಯಃ|
ಅಸ್ವತನ್ತ್ರಾಃ ಸಪತ್ನೀನಾಂ ಪ್ರಿಯಮೇವಾಽಽಚರಂ ಸ್ತದಾ||59||

ಬಾಹೂನ್ ಉಪವಿಧಾಯಾನ್ಯಾಃ ಪಾರಿಹಾರ್ಯವಿಭೂಷಿತಾನ್|
ಅಂಶುಕಾನಿ ಚ ರಮ್ಯಾಣಿ ಪ್ರಮದಾಸ್ತತ್ರ ಶಿಶ್ಯಿರೇ||60||

ಅನ್ಯಾವಕ್ಷಸಿ ಚಾನ್ಯಸ್ಯಾಃ ತಸ್ಯಾಃ ಕಾಶ್ಚಿತ್ ಪುನರ್ಭುಜಮ್|
ಅಪರಾತ್ವಂಕ ಮನ್ಯಸ್ಯಾಃ ತಸ್ಯಾಶ್ಚಾಪ್ಯಪರಾಭುಜೌ||61||

ಊರುಪಾರ್ಶ್ವಕಟೀ ಪೃಷ್ಠಂ ಅನ್ಯೋನ್ಯಸ್ಯ ಸಮಾಶ್ರಿತಾಃ|
ಪರಸ್ಪರನಿವಿಷ್ಟಾಙ್ಗ್ಯೋ ಮದಸ್ನೇಹವಶಾನುಗಾಃ||62||

ಅನ್ಯೋನ್ಯಭುಜಸೂತ್ರೇಣ ಸ್ತ್ರೀಮಾಲಾಗ್ರಥಿತಾ ಹಿ ಸಾ|
ಮಾಲೇವ ಗ್ರಥಿತಾ ಸೂತ್ರೇ ಶುಶುಭೇ ಮತ್ತಷಟ್ಪದಾ||63||

ಲತಾನಾಂ ಮಾಧವೇ ಮಾಸಿ ಪುಲ್ಲನಾಂ ವಾಯುಸೇವನಾತ್ |
ಅನ್ಯೋನ್ಯಮಾಲಾಗ್ರಥಿತಂ ಸಂಸಕ್ತ ಕುಸುಮೋಚ್ಚಯಮ್||64||

ವ್ಯತಿವೇಷ್ಟಿತ ಸುಸ್ಕಂಧಂ ಅನ್ಯೋನ್ಯಭ್ರಮರಾಕುಲಮ್|
ಆಸೀದ್ವನ ಮಿವೋದ್ಧೂತಮ್ ಸ್ತ್ರೀವನಂ ರಾವಣಸ್ಯ ತತ್||65||

ಉಚಿತೇಷ್ವಪಿ ಸುವ್ಯಕ್ತಂ ನ ತಾಸಾಂ ಯೋಷಿತಾಂ ತದಾ|
ವಿವೇಕಃ ಶಕ್ಯ ಆಧಾತುಂ ಭೂಷಣಾಙಾಮ್ಬರ ಸ್ರಜಾಮ್||66||

ರಾವಣೇಸುಖಸಂವಿಷ್ಟೇ ತಾಃ ಸ್ತ್ರಿಯೋ ವಿವಿಧ ಪ್ರಭಾಃ|
ಜ್ವಲನ್ತಃ ಕಾಞ್ಚನಾ ದೀಪಾಃ ಪ್ರೈಕ್ಷಂತಾಽನಿಮಿಷಾ ಇವ||67||

ರಾಜರ್ಷಿಪಿತೃದೈತ್ಯಾನಾಂ ಗನ್ಧರ್ವಾಣಾಂ ಚ ಯೋಷಿತಃ|
ರಾಕ್ಷಸಾನಾಂ ಚ ಯಾಃ ಕನ್ಯಾಃ ತಸ್ಯ ಕಾಮವಶಂ ಗತಾಃ||68||

ಯುದ್ಧಕಾಮೇನ ತಾಃ ಸರ್ವಾ ರಾವಣೇನ ಹೃತಾ ಸ್ತ್ರಿಯಃ|
ಸಮದಾ ಮದನೇನೈವ ಮೋಹಿತಾಃ ಕಾಶ್ಚಿದಾಗತಾಃ||69||

ನ ತತ್ರ ಕಾಚಿತ್ ಪ್ರಮದಾ ಪ್ರಸಹ್ಯ
ವೀರ್ಯೋಪಪನ್ನೇನ ಗುಣೇನ ಲಬ್ಧಾ|
ನ ಚಾನ್ಯಕಾಮಾಪಿ ನ ಚಾನ್ಯಪೂರ್ವಾ
ವಿನಾ ವರಾರ್ಹಂ ಜನಕಾತ್ಮಜಾಂ ತಾಮ್||70||

ನ ಚಾಕುಲೀನಾ ನ ಚ ಹೀನರೂಪಾ
ನಾದಕ್ಷಿಣಾ ನಾನುಪಚಾರಯುಕ್ತಾ|
ಭಾರ್ಯಾಽಭವತ್ತಸ್ಯ ನ ಹೀನಸತ್ತ್ವಾ
ನ ಚಾಪಿ ಕಾನ್ತಸ್ಯ ನ ಕಾಮನೀಯಾ||71||

ಬಭೂವ ಬುದ್ಧಿಸ್ತು ಹರೀಶ್ವರಸ್ಯ
ಯದೀದೃಶೀ ರಾಘವ ಧರ್ಮಪತ್ನೀ|
ಇಮಾ ಯಥಾ ರಾಕ್ಷಸರಾಜ ಭಾರ್ಯಾಃ
ಸುಜಾತಮಸ್ಯೇತಿ ಹಿ ಸಾಧುಬುದ್ಧೇಃ||72||

ಪುನಶ್ಚ ಸೋಽಚಿಂತಯ ದಾರ್ತರೂಪೋ
ಧ್ರುವಂ ವಿಶಿಷ್ಟಾ ಗುಣತೋ ಹಿ ಸೀತಾ|
ಅಧಾಯ ಮಸ್ಯಾಂ ಕೃತವಾನ್ ಮಹಾತ್ಮಾ
ಲಙ್ಕೇಶ್ವರಃ ಕಷ್ಟ ಮನಾರ್ಯಕರ್ಮ||73||

ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ಆದಿಕಾವ್ಯೇ ವಾಲ್ಮೀಕೀಯೇ
ಚತುರ್ವಿಂಶತ್ ಸಹಸ್ರಿಕಾಯಾಂ ಸಂಹಿತಾಯಾಮ್
ಶ್ರೀಮತ್ಸುಂದರಕಾಂಡೇ ನವಮಸ್ಸರ್ಗಃ||

||ಓಮ್ ತತ್ ಸತ್||