సంక్షిప్త సుందరకాండ
ఏబది ఆఱవ సర్గము

తతస్తు శింశుపామూలే జానకీం పర్యుపస్థితామ్|
అభివాద్యబ్రవీద్ర్విష్ట్యా పశ్యామి త్వామిహాక్షతామ్ ||

తా|| పిమ్మట హనుమంతుడు శింశుపావృక్షముమూలములో కూర్చునిఉన్న సీతాదేవికి అభివాదమొనర్చి " అమ్మా! దేవానుగ్రహమము వలన క్షేమముగానున్న నిన్ను చూడగలిగితిని"

తతస్థం ప్రస్థితం సీతా వీక్షమాణా పునః పునః |
భర్తృ స్నేహాన్వితం వాక్యం హనుమంత మభాషత ||
యదిత్వం మన్యసే తాత వసైకాహమిహానఘా|
క్వచిత్ సుసంవృతే దేశే విశ్రాంతః శ్వోగమిష్యసి ||

తా|| పిమ్మట సీతాదేవి పయనముకు సిద్ధముగానున్న హనుమంతుని మళ్ళీ మళ్ళీ చూచుచూభర్తపైగల ప్రేమను ప్రకటించుచూ ఇట్లు పలికెను. "ఓ హనుమాన్ ! నీ కిష్టమైనచో ఇక్కడ మఱియొక దినము ఉండుము. ఒక రహస్యమైన ప్రదేశమున విశ్రాంతి గైకొని రేపు వెళ్ళుదువుగాక".

కామస్య త్వమేవైకః కార్యస్య పరిసాధనే |
పర్యాప్తః పరవీరఘ్న యశస్యస్తే ఫలోదయః ||
శరైస్తు సంకులాం కృత్వా లంకాం పరబలార్దనః|
మాం నయేద్యది కాకుత్స్థః తత్తస్య సదృశం భవేత్ ||
తద్యథా తస్య విక్రాంతం అనురూపం మహాత్మనా |
భవత్యాహవ శూరస్య తథా త్వముపపాదయ ||

తా|| "నిజముగా ఈ కార్యము సాధించుటకు నీవుఒక్కడివే చాలును . దీనివలన కీర్తి ప్రతిష్టలు నీకే దక్కును. అరివీర భయంకరుడైన శ్రీరాముడు తన బాణములచే లంకను సంకులము గావించి నన్ను తీసుకొని వెళ్ళినచో అదియే ఆయన పరాక్రమమునకు తగును. ఓ కపివరా ! రణధీరుడైన ఆ మహాత్ముని పరాక్రమమునకు తగిన రీతిగా కార్య విధానము నీవు ప్రతిపాదింపుము".

తదర్థోపహితం వాక్యం ప్రశ్రితం హేతుసంహితమ్|
నిశమ్య హనుమాంస్తస్యా వాక్యముత్తర మబ్రవీత్ ||

తా|| సీతాదేవి చెప్పిన అర్థవంతములైన సహేతుకములైన వినమ్ర వచనములను విని హనుమంతుడు ఆమెకు ఇట్లు సమాధానమిచ్చెను.

దేవీ హర్యృక్ష సైన్యానామ్ ఈశ్వరః ప్లవతాం వరః |
సుగ్రీవః సత్వసంపన్నః తవార్థే కృతనిశ్చయః ||
తౌ చ వీరౌ నరవరౌ సహితౌ రామలక్ష్మణౌ |
ఆగమ్య నగరీం లంకాం సాయకైర్విధమిష్యతః ||
సగణం రాక్షసం హత్వా న చిరాత్ రఘునందనః |
త్వామాదాయ వరారోహే స్వాం పురీం ప్రతియాస్యతి ||

తా|| " ఓ సీతాదేవీ భల్లూక వానర సైన్యములకు ప్రభువు కపీశ్వరుడైన సుగ్రీవుడు మహాబలశాలి. ఈ కార్య సిద్ధికై కృతనిశ్చయుడైఉన్నాడు. వీరులు నరవరులైన రామలక్ష్మణులు ఇద్దరును ఇచటికివచ్చి తమ బాణములతో లంకా నగరమును ధ్వంసమొనర్చెదరు. శ్రీరాముడు త్వరలోనే రావణుని సపరివారముగా హతమార్చినీతో కలిసి స్వపురమైన అయోధ్యానగరికి నిన్ను తీసుకు వెళ్ళగలడు"

ఏవమాశ్వాస్య వైదేహీం హనుమాన్ మారుతాత్మజః|
గమనాయ మతిం కృత్వా వైదేహీ మభ్యవాదయత్ ||

తా ఈ విధముగా సీతాదేవిని ఓదార్చి తిరుగు ప్రయాణమునకు సిద్ధపడినవాడై సీతాదేవికి అభివాదమొనర్చెను.

ఆరురోహ గిరిశ్రేష్ఠం అరిష్ట మరిమర్దనః |
స తమారుహ్య శైలేంద్రం వ్యవర్థత మహాకపిః|
దక్షిణాదుత్తరం పారం ప్రార్థయన్ లవణాంభసః||

తా|| శత్రుసూదనౌఅడైన హన్నుమంతుడు అరిష్టమను పర్వతముని అధిరోహించెను. ఆ పర్వతమునెక్కి దక్షిణ దిశనుంచి ఉత్తర దిశ పోవదలిచినవాడై తన శరీరమును పెద్దదిగా చేసెను.

స లింఘయిషుర్భీమం సలీలం లవణార్ణవమ్|
కల్లోలాస్ఫాలవేలాంతం ఉత్పపాత నభోహరిః ||

తా|| తీరములను తన కెఱటములచే చఱచుచూ భయంకరముగానున్న ఆ సముద్రమును దాటగోరినవాడై అవలీలగా ఆ వానరోత్తముడు ఆకసమునకు ఎగిరెను.

సంక్షిప్త సుందరకాండ
ఏబది ఆఱవ సర్గము
సమాప్తము