||ఓమ్ తత్ సత్||

వివేక చూడామణి  శ్లోకములు 212- 213

శ్లోకము 212

పంచానామపి కోశానాం 

నిషేధే యుక్తితః కృతే|

తన్ నిషేధావధిః సాక్షీ

బోధరూపో అవశిష్యతే||

పంచానామపి కోశానాం - 

ఐదు కోశములయొక్క

 యుక్తితః కృతే నిషేధే - 

యుక్తిగా చేయబడిన నిషేధము

తన్ నిషేధావధిః - అవిధముగా నిషేధింపబడిన అవధి లో

సాక్షీ బోధరూపో  - బోధరూపమైన  సాక్షి

అవశిష్యతే - శేషముగా మిగులును

ఈ ఐదు కోశములు నిషేధింపగా మిగిలిన పరిధిలో జ్ఞానరూపమైన సాక్షి  శేషముగా మిగులును - అంటే అలా మిగిలినదే జ్ఞానరూపమైన సాక్షి - అదే ఆత్మ - అదే పరమాత్మ.  

శ్లోకము 213

యోఽయం ఆత్మా స్వయంజ్యోతిః పంచకోశ విలక్షణః|

అవస్థాత్రయ సాక్షీ సన్ నిర్వికారో నిరంజనః|

సదానన్దః సవిజ్ఞేయః స్వాత్మత్వేన విపశ్చితా||

యోఽయం ఆత్మా  - యో ( అవశిష్యతే ) అయం అత్మా-

ఏది మిగిలినదో ఆ ఆత్మ

స్వయంజ్యోతిః పంచకోశ విలక్షణః -

స్వయముగా ప్రకాశించునది , పంచకోశములకన్న భిన్నమైనది

అవస్థాత్రయ సాక్షీ - అది మూడు అవస్థలకు  సాక్షి  

సన్ నిర్వికారో నిరంజనః - 

ఎల్లప్పుడు వుండు వికారములు లేనిది, బంధములు లేనిది

సదానన్దః స విజ్ఞేయః  స్వాత్మత్వేన విపశ్చితా

సదానన్దః స విజ్ఞేయః   - 

సదానందరూపమైనది  ఆ ఆత్మయే తెలియతగినది

ఎవరిచే ఏ విధముగా తెలియతగినది

స్వాత్మత్వేన విపశ్చితా - 

స్వస్వరూపముగా పండితునిచే ( తెలియబడతగినది)

దీని తాత్పర్యము:

పంచకోశములు నిషేధింపబడగా , మిగిలిన శేషము - స్వయముగా ప్రకాశించునది. పంచకోశములకనా భిన్నమైనది. అదు మూడు అవస్థలకి సాక్షిగా, వికారములు లెనిదై, బంధములు లేనిదై సదానందరూపమైనది. ఆ ఆత్మయే స్వ స్వరూపముగా పండితునిచే  తెలియబడతగినది. 

||ఓమ్ తత్ సత్||