Click here for sloka script in Engish, Sanskrit, Kannada, Gujarati, or Telugu

આદિત્ય હૃદયં
સપ્તોત્તરશતતમસ્સર્ગઃ
યુદ્ધકાંડ

તતોયુદ્ધ પરિશ્રાંતં સમરે ચિંતયાસ્થિતં
રાવણં ચાગ્રતો દૃષ્ટ્વાયુદ્ધાય સમુપસ્થિતમ્||1||

દૈવતૈશ્ચ સમાગમ્ય દ્રષ્ટુમભ્યાગતો રણમ્ |
ઉપાગમ્યાબ્રવીત્ રામં અગસ્ત્યો ભગવાન્ ઋષિઃ||2||

અગસ્ત્ય ઉવાચ

રામ રામ મહાબાહો શૃણુ ગુહ્યં સનાતનમ્ |
યેન સર્વાન્ નરીન્ વત્સ સમરે વિજયિષ્યસિ ||3||

અદિત્ય હૃદયં પુણ્યં સર્વ શત્રુવિનાશનમ્|
જયાવહં જપેન્નિત્યં અક્ષય્યં પરમં શિવમ્ ||4||

સર્વમંગળ માંગળ્યં સર્વપાપ પ્રણાશનમ્|
ચિંતાશોકપ્રશમનં આયુર્વર્ધનમુત્તમમ્ ||5||

રશ્મિમંતં સમુદ્યંતં દેવાસુર નમસ્કૃતમ્ |
પૂજયસ્વ વિવસ્વંતં ભાસ્કરં ભુવનેશ્વરમ્ ||6||

સર્વદેવાત્મકો હ્યેષ તેજસ્વી રશ્મિભાવનઃ |
એષ દેવાસુરગણાન્ લોકાન્ પાતિ ગભિસ્તિભિઃ ||7||

એષ બ્રહ્માચ વિષ્ણુશ્ચ શિવઃ સ્કંદઃ પ્રજાપતિઃ |
મહેંદ્રો ધનદઃ કાલો યમસ્સોમોહ્યપાંપતિઃ ||8||

પિતરઃ વસવઃ સાધ્યા હ્યશ્વિનૌ મરુતો મનુઃ |
વાયુર્વહ્નિઃ પ્રજા પ્રાણા ઋતુકર્તા પ્રભાકરઃ ||9||

અદિત્યઃ સવિતા સૂર્યઃ ખગઃ પૂષા ગભિસ્તિમાન્ |
સુવર્ણસદૃશો ભાનુઃ સ્વર્ણરેતા દિવાકરઃ ||10||

હરિદશ્વઃ સહસ્રાર્ચિઃ સપ્તસપ્તિર્મરીચિમાન્ |
તિમિરોન્મથનશ્શંભુઃ ત્વષ્ટામાર્તાંડ અંશુમાન્||11||

હિરણ્યગર્ભઃ શિશિરઃ તપનો ભાસ્કરો રવિઃ |
અગ્નિગર્ભોઽદિતેઃ પુત્રઃ શંખઃ શિશિરનાશનઃ ||12||

વ્યોમનાથઃ તમોભેધી ઋગ્યજુસ્સામપારગઃ |
ઘનવૃષ્ઠિરપાંમિત્રો વિંધ્યવીથીપ્લવંગમઃ ||13||

આતપી મંડલી મૃત્યુઃ પિંગળઃ સર્વતાપનઃ |
કવિર્વિશ્વો મહાતેજાઃ રક્તઃ સર્વભવોદ્ભવઃ ||14||

નક્ષત્રગ્રહતારાણામ્ અધિપો વિશ્વભાવનઃ |
તેજસામપિ તેજશ્વી દ્વાદશાત્મન્ નમોસ્તુતે ||15||

નમઃ પૂર્વાય ગિરયે પશ્ચિમાયાદ્રયે નમઃ |
જ્યોતિર્ગણાનાં પતયે દિનાધિપતયે નમઃ ||16||

જયાય જયભદ્રાય હર્યશ્વાય નમો નમઃ |
નમોનમઃ સહસ્રાંશો અદિત્યાય નમો નમઃ||17||

નમ ઉગ્રાય વીરાય સારંગાય નમો નમઃ |
નમઃ પદ્મ પ્રભોધાય પ્રચંડાય નમો નમઃ ||18||

બ્રહ્મેશાનાચ્યુતેશાય સૂર્યાયાદિત્યવર્ચસે
ભાસ્વતે સર્વ ભક્ષાય રૌદ્રાય વપુષે નમઃ ||19||

તમોઘ્નાય હિમઘ્નાય શત્રુઘ્નાયામિતાત્મને|
કૃતઘ્નઘ્નાય દેવાય જ્યોતિષાં પતયે નમઃ ||20||

તપ્તચામીકરાભાય વહ્નયે વિશ્વકર્મણે |
નમસ્તમોભિનિઘ્નાય રુચયે લોકસાક્ષિણે ||21||

નાશયત્યેષ વૈ ભૂતં તદેવ સૃજતિ પ્રભુઃ |
પાયત્યેષ તપત્યેષ વર્ષત્યેષ ગબિસ્થિભિઃ ||22||

એષ સુપ્તેષુ જાગર્તિ ભૂતેષુ પરિનિષ્ઠિતઃ |
એષ ચૈવાગ્નિહોત્રંચ ફલં ચૈવાગ્નિહોત્રિણામ્ ||23||

વેદાશ્ચ ક્રતવશ્ચૈવ ક્રતૂનાં ફલમેવવચ |
યાનિ કૃત્યાનિ લોકેષુ સર્વ એષ રવિઃ પ્રભુઃ ||24||

એનમામાપત્સુ કૃચ્છેષુ કાંતારેષુ ભયેષુ ચ|
કીર્તયન્ પુરુષઃ કશ્ચિત્ નાવસીદતિ રાઘવ ||25||

પૂજયસ્વૈનમેકાગ્રો દેવદેવં જગત્પતિમ્|
એતત્ ત્રિગુણિતં જપ્ત્વા યુદ્ધેષુ વિજયિષ્યસિ ||26||

અસ્મિન્ ક્ષણે મહાબાહો રાવણં તં વધિષ્યસિ|
એવમુક્ત્વા તદાઽગસ્ત્યો જગામ ચ યથાગતમ્ ||27||

એતત્ શ્રુત્વા મહાતેજા નષ્ટશોકોઽભવત્તદા |
ધારયામાસ સુપ્રીતો રાઘવઃ પ્રયતાત્મવાન્ ||28||

અદિત્યં પ્રેક્ષ્ય જપ્ત્વાતુ પરં હર્ષમવાપ્તવાન્ |
ત્રિરાચમ્ય શુચિર્ભૂત્વા ધનુરાદાય વીર્યવાન્ ||29||

રાવણં પ્રેક્ષ્ય હૃષ્ટાત્મા યુદ્ધાય સમુપાગમન્ |
સર્વ યત્નેન મહતા વધે તસ્ય ધૃતોsભવત્ ||30||

અથરવિરવદન્ નિરીક્ષ્ય રામં
મુદિતમનાઃ પરમં પ્રહૃષ્યમાણઃ |
નિશિચરપતિ સંક્ષયં વિદિત્વા
સુરગણમધ્યગતો વચસ્ત્વરેતિ ||31||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્સહસ્રિકાયાં સંહિતાયામ્
શ્રીમદ્યુદ્ધકાંડે સપ્તોત્તરશતતમ સર્ગઃ ||
હરિ ઓમ્ તત્ સત્||