|| Om tat sat ||

Sloka Text in Telugu , Kannada, Gujarati, Devanagari, English

||ఓమ్ తత్ సత్||

"అసఙ్గోఽహం అసఙ్గోఽహం .."
శంకరాచర్యవిరచిత - బ్రహ్మజ్ఞానావలీ మాల||

అసఙ్గోఽహం అసఙ్గోఽహం అసఙ్గోఽహం పునః పునః |
సచ్చిదానన్దరూపోఽహం అహమేవాహమవ్యయః ||1||

నిత్యశుద్ధవిముక్తోఽహం నిరాకారోఽహమవ్యయః |
భూమానన్దస్వరూపోఽహం అహమేవాహమవ్యయః||2||

నిత్యోఽహం నిరవద్యోఽహం నిరాకారోఽహమచ్యుతః |
పరమానన్దరూపోఽహం అహమేవాహమవ్యయః ||3||

శుద్ధచైతన్యరూపోహం ఆత్మారామోఽహమేవ చ |
అఖణ్డానన్దరూపోఽహం అహమేవాహమవ్యయః||4||

ప్రత్యక్ చైతన్యరూపోఽహం శాన్తోఽహం ప్రకృతేః పరః |
శాశ్వతానన్దరూపోఽహం అహమేవాహమవ్యయః ||5||

తత్వాతీతః పరాత్మాఽహం మధ్యాతీతః పరః శివః |
మాయాతీతః పరంజ్యోతిః అహమేవాహమవ్యయః||6||

నానారూపవ్యతీతోఽహం చిదాకారోఽమచ్యుతః |
సుఖరూపస్వరూపోఽహం అహమేవాహమవ్యయః ||7||

మాయాతత్కార్యదేహాది మమ నాస్త్యేవ సర్వదా |
స్వప్రకాశౌకరూపోఽహం అహమేవాహమవ్యయః||8||

గుణత్రయవ్యతీతోఽహం బ్రహ్మాదీనాం చ సాక్ష్యహమ్‌ |
అనన్తానన్దరూపోఽహం అహమేవాహమవ్యయః||9||

అన్తర్యామిస్వరూపోఽహం కూటస్థః సర్వగోఽస్మ్యహమ్‌ |
పరమాత్మస్వరూపోఽహం అహమేవాహమవ్యయః||10||

ద్వన్ద్వాదిసాక్షిరూపోఽహం అచలోఽహం సనాతనః |
సర్వసాక్షిస్వరూపోఽహం అహమేవాహమవ్యయః||11||

ప్రజ్ఞానఘన ఏవాహం విజ్ఞానఘన ఏవ చ |
అకర్తాహం అభోక్తాహం అహమేవాహమవ్యయః ||12||

నిరాధార స్వరూపోఽహం సర్వాధారోఽహమేవ చ |
ఆప్తకామ స్వరూపోఽహం అహమేవాహమవ్యయః||13||

తాపత్రయవినిర్ముక్తో దేహత్రయ విలక్షణః |
అవస్థాత్రయసాక్ష్యస్మి అహమేవాహమవ్యయః ||14||

దృగ్‌దృశ్యౌ ద్వౌ పదార్థో స్తః పరస్పరవిలక్షణౌ |
దృగ్‌ బ్రహ్మ దృశ్యం మాయేతి సర్వవేదాన్త డిణ్డిమః||15||

అహం సాక్షీతి యో విద్యాద్‌ వివిచ్యైవం పునః పునః |
స ఏవ ముక్తః సో విద్వాన్ ఇతి వేదాన్త డిణ్దిమః ||16||

ఘటకుడ్యాదికం సర్వం మృత్తికామాత్రమేవ చ |
తద్వద్‌బ్రహ్మ జగత్‌ సర్వం ఇతి వేదాన్త డిణ్దిమః ||17||

బ్రహ్మ సత్యం జగన్మిథ్యా జీవో బ్రహ్మైవ నాపరః |
అనేన వేద్యం సచ్ఛాస్త్రం ఇతి వేదాన్త డిణ్డిమః||18||

అన్తర్జ్యోతిః బహిర్జ్యోతిః ప్రత్యగ్జ్యోతిః పరాత్పరః |
జ్యోతిర్జ్యోతిః స్వయంజ్యోతిః ఆత్మజ్యోతిః శివోఽస్మ్యహమ్‌||19||

||ఓమ్ తత్ సత్||

|| Om tat sat ||