వివేక చూడామణి శ్లోకములు 431- 433

431 వ శ్లోకములో మళ్ళీ జీవన్ముక్తుడు ఏవరు అన్నది చెప్పి , మళ్ళీ 432 433 శ్లోకాలలో జీవన్ముక్తుడి లక్షణములు కొన్ని గురువు చెపుతాడు

శ్లోకము 431:

శాన్త సంసార కలనః
కలావానపి నిష్కలః।
యః సచిత్తోపి నిశ్చిత్తః
స జీవన్ముక్త ఇత్యుచ్యతే॥

1 శాన్త సంసార కలనః -
శాంతించిన సంసారబంధము కలవాడు;

2 కలావానపి నిష్కలః -
విద్యావంతుడైనప్పటికి నిష్కలుడు;

3 యః స చిత్తోపి నిశ్చిత్తః -
ఎవరు చిత్తముతో కూడినవారైనప్పటికి నిశ్చిత్తముగా వుండునో అట్టివాడు;

4 స జీవన్ముక్త ఇత్యుచ్యతే -
అతడు జీవన్ముక్తుడు అని చెప్పబడుచున్నాడు.

431 వ శ్లోకతాత్పర్యము: 

శాంతించిన సంసారబంధము కలవాడు, విద్యావంతుడైనప్పటికీ షోడశ కళలకి అతీతుడు ( బ్రహ్మాకారములో వున్నందు వలన), అత్మకి సంబంధించిన చిత్తము కలవాడై బాహ్య విషయములలో నిశ్చింతగా వుండు వాడు,  జీవన్ముక్తుడు అని చెప్పబడుచున్నాడు


శ్లోకము 432:

వర్తమానేఽపి దేహేఽస్మిం
ఛాయావత్ అనువర్తిని।
అహంతా మమతాభావో
జీవన్ముక్తస్య లక్షణమ్॥


2 ఛాయావత్ అనువర్తిని -
   నీడ వలె అనుసరించు;

1 వర్తమానేఽపి దేహేఽస్మిం- అస్మిన్ దేహే వర్తమానే అపి-
  ఈ దేహములో వుంటున్నా;

3. అహంతా మమత అభావో  -
   అహంకార మమకారములు లేకుండుట;

4  జీవన్ముక్తస్య లక్షణమ్ -
    జీవన్ముక్తుని లక్షణములు.

432వ శ్లోక తాత్పర్యము:

"నీడ వలె అనుసరించు ఈ దేహములో వుంటున్నా, అహంకార మమకారములు లేకుండుట, జీవన్ముక్తుని లక్షణములు"

శ్లోకము 433:

అతీతాననుసన్ధానం
భవిష్యత్ అవిచారిణమ్।
ఔదాసీన్యమపి ప్తాప్తే
జీవన్ముక్తస్య లక్షణమ్

1 అతీతాననుసన్ధానం -అతీతాన్ న అనుసంధానమ్-
   జరిగిపోయినదాని గురించి మళ్ళీ స్మరించుట;

2 భవిష్యత్ అవిచారిణమ్. -
జరగబోవు దాని గురించి  అలోచింపకుండుట;

3 ఔదాసీన్యమపి ప్తాప్తే -
ప్రాప్తించినదానిమీద ఉదాసీనత్వము;

4 జీవన్ముక్తస్య లక్షణమ్ -
జీవన్ముక్తుని లక్షణములు.

433 వ శ్లోకము తాత్పర్యము:

 "జరిగిపోయినదాని గురించి మళ్ళీ స్మరించుట, జరగబోవు దాని గురించి  అలోచింపకుండుట, ప్రాప్తించినదానిమీద ఉదాసీనత్వము లేక సంగరాహిత్యము, ఇవి  జీవన్ముక్తుని లక్షణములు"

॥ఓం తత్ సత్॥

_____________________________________________

__________________________________